28-11-2014, 04:01 PM
|
المشاركة الأصلية كتبت بواسطة AMG2000
اختي ماعليش .. الله يعينك على بلواك .. ركزي في كلامي ونفذيه وادعي لي ..
راح اتكلم من وجهة نظر طبيه .. اولا .. ابيك تهدين نفسك وترجعين لزوجك في اقرب فرصة .. ثانيا .. انت امرأة صالحة وخوفك على زوجك يذكر لك فتشكرين عليه .. ثالثا .. زوجك يحتاجك ومن كلامك باين انكم تحبون بعض كثير والله يديم مابينكم ولكن زوجك الان في امس الحاجة لك وخاصة يبدو انه بدأ يتعاطى من فترة قريبة بس يعني اصبح غير مدمن وبامكانه التوقف ولكن لن يتوقف الا بالطريقة اللي اقولك عليها الآن وانا هنا اتكلم عن علم ومع مرضى مثل حالة زوجك .. الطريقة ان تعودي لزوجك وراح يكون مشتاق لعودتك وفرصة ممتازة لك لكي تتفذي الي اقول لك عليه وهو اول ماتوصلين بيتك بالسلامة اجلسي مع زوجك جلسة هدوء وحاولي تكوني قررريبة منه جدا وتخليه يشعر معك بالامان ولاتستخدمي معه اسلوب التحقيق والاعتراف مثل اول .. فهوحتى لو يتعاطى ماراح يقول لك هالشيء .. المهم افتحي معه موضوع العلاج من الكبتاجون بالتدريج وحاولي تقايضينه مثلا اذا كان يحبك لازم يبدأ يتعالج .. طبعا راح يرفض وراح اقولك لك مرة ثانيه لازم تكوني صبورة جدا وهادئة معاه حتى توصلي للهدف ويقتنع .. الهدف امرين .. الاول .. ان يقتنع هو من داخله ان يترك الكبتاجون فاذا حصل هذا فقد تعالج والباقي سهل وكل ماعليك هو اقناعه وانت اعرف بزوجك .. الهدف الثاني وهو سهل وبعدما يقتنع زوجك عليك الذهاب معه الى اقرب مستشفى للأمل او الصحة النفسية وفتح ملف للمتابعه بالعيادات الخارجية مع استشاري علاج الادمان او اي طبيب نفسي له خبرة في العلاج وهذا مهم ولكن لازم يكون زوجك مقتنع من داخله بالعلاج ولازم هو او احد من اقاربه يوقع على اوراق المستشفى وبرغبته بالعلاج ..طبعا لازم زوجك تفهمينه انه بيتعالج ومابيحتاج تنويم ولابيحتاج الموضوع شرطة ولا مكافحة مخدرات لانه راح يذهب بنفسه واهله معه للعلاج وراح يكون الموضوع في سرية تامة .. رابعا .. الكبتاجون من مشتقات الامفيتامينات وهي مثيرات للجهاز العصبي وللأسف شبابنا ونسائنا مستهدفون بشكل كبير وهناك عصابات دولية وفي بلدان عربية مجاورة تقوم بادخال وتهريب هذه المخدرات ولها شيوع كبير لدى الكثير من الناس للاسف في بعض المناطق وتهريبها اصبح اكثر من السابق وانتشرت حتى بين الطلاب والطالبات .. مدمرة لخلايا الجهاز العصبي مع طول وكثرة الاستخدام .. يصعب جدا تركها بدون استشارة طبيب مختص في علاج الادمان وذلك لاعراض انسحابيه وتعود الدماغ عليها وكذلك وجود الكثير من الفاسدين والفاسداات الذين يروجون لها ولاهداف كاذبه .. خامسا .. ماعليش طولت ردودي اليوم وحاس كاني في مجلس الوزراء او الديوان الملكي .. ردودي كلها اولا وثانيا وثالثا .. لكن مو مني والله من كثر هالتعاميم في المستشفى .. سادسا .. يبلغ امرنا هذا للجهات المختصة لاعتماده وتنفيذه |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري