حيث النقاء

اسمحيلي أقولك رفعتي ضغطي بتصرفك الأخير

زوجك لما قال انه اشترى أشياء ودك تشوفينها ولما شفتيها إلا هي شموع وفواحات ولما قال انه بيسوي حفلة وانه ماراح يبادر حسيته يلمح ان وده خلاص ترجعين البيت وانك تبادري بالحب والظاهر انك صدمتيه لما قلتي يلا نمشي ورجعتي بيت أهلك..أنا ما أدري وش لزوم جلستك عند أهلك كل ذا الوقت

زوجك والله العالم من النوع العاطفي مندفع بعواطفه ومايقدر يتحكم في مشاعره إضافة إلى انه يبالغ في ردة فعله (مثل لما يبوس قدمك عشان يبين لك حبه) هالنوع ينجرح بسرعه خصوصا من الناس اللي يحبهم

بالإضافة إلى أن زوجك ماعنده وسط يا اقبال وحب مفرط يا ادبار وكره مفرط <<< عشان كذا انتبهي والحقي على عمرك قبل لا سمح الله تعانين من الصفة الأخيرة

انتي في بالك انك بتعلمينه درس عشان يغير من نفسه وتعلمينه الموازنه ..... الخ

وهو (يمكن) في باله انك ماتحبينه وانك مستبيعه لكن تحاولي تحببي نفسك فيه <<< وللا فيه وحده تترك حبيبها لوحده في البيت وتجلس عند أهلها أسبوع

أرجوك بيني لزوجك حبك واقبلي عليه بكل حب وحنان قبل فوات الأوان

وارجعي بيتك يابنت وبلاش دلع

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا