المشاركة الأصلية كتبت بواسطة الم الحنين ~

الوظايف كثيره اذا كنتي جامعيه ابحثي وقدمي اوراقك
واستخيري حبيبتي او ادخلي تحفيظ قران لاتستسلمين لاافكارك وكلي امرك لله
الفرح والحزن ربي كاتبه للعبد قولي الحمدلله وله حكمه في ذلك لا تقولين غصب عني وتكتبين كلامك يدل انك معترضه على امر ربي كتبه لك صدقيني ياعسل ربي بيفرجها عليك اذا فوضتي امرك لله
وبذلتي الاسباب حبيبتي وادعي ربك في كل حين ربي يرزقك الزوج اللي تتمنينه
دعواتي لك

المشاركة الأصلية كتبت بواسطة soqya

السلام عليكم ورحمة الله وبركاته ..
1 / أرجوك يا حلم لا تقولي كلمة احنا مانشعر فيك لأننا متزوجات .. أكرهها جداً هذه الكلمات التي تصدر من إمرأة ناضجة ..
2 / لا أعلم لما تجاهلت رد أحجية أو لم تريه لا أعلم ..
3/ احمدي الله على نعمة العافية والصحة لدي صديقات مريضات بالإيدز جمال وأخلاق ومناصب عالية جداً لكن محرومين من أبسط الحقوق ونظرة المجتمع وفوق كله هذا فيهم أمل لو يوزع عالبشر جميعهم سيكفيهم ...
4/ لو تزورين قسم مرضى السرطان وقت جرعات الكيماوي ليهتز بدنك وتحمدين الله عالعافية خاصة الأطفال عندما يصرخون تعرفي النار كيف يسكب وحرارته أقوى أتمنى أن تفيقي ياأمة الله .
وغير المضاعفات التي يراها .
5/ أنت في نعمة عظيمة جدا استمتعي بالتي هي حولك وكثيرة جداً مقابل الزوج ...
6/ اجعلي لك مشاريع تطوعية والله فيها لذة وراحة تنسيك الأسى وتجعلك تفكرين بمن هو أشد منك بلاء ..
8 / احدى معارفي جميلة جدا هذه البنت بطنها ألمها مع نزيف ، قالوا لابد من استئصال الرحم عاجلا لأنه فيه سرطان وعمرها 17 سنة ...
تحرري مما أنت فيه ، من 2012 منذ تاريخ تسجيلك في المنتدى ، حلم ماذا فعلت وللأسف فقط الشكوى والتي فيها جزع واعتراض مع إنك تعلمين بأنك محاسبة على كل حرف تكتبيه ..
أنار الله بصيرتك .

المشاركة الأصلية كتبت بواسطة الـــوحيد

اختي الوظيفه يطلبها اللي يكون راتبه على قده ويبي موظفه عشان تشيل على الاقل مصاريفها عنه
لكن كثير من الرجال وانا اعرفهم شخصيا مايبون الموظفه ولو تسألي اي رجال يقولك ابي وحده تكون بالبيت ماابي موظفه لكن احيانا الظروف تجبر بعض الشباب على انه يدور موظفه لان راتبه مايساعده لكن هذي ماهي قاعده

اما الجمال شوفي اي انسان يبحث عن الجمال سواءً شاب او بنت لكن الجمال مثل ماقالت احد الاخوات نسبي
فـ اللي يشوفه غيري جميل يمكن يكون عادي عندي واللي يشوفه عادي يكون جميل فـ يختلف من شخص لشخص
ممكن لو تدققي بوحده تشوفينها عاديه لكن فيها حاجه حلوه ماتدرين ايش هي والعكس صحيح

المشاركة الأصلية كتبت بواسطة المتفائل بالله

السلام عليكم ورحمة الله تعالى وبركاته

أهلاً وسهلاً بالأخت حلم تائه
والله يا اختي ترجع لشخصية الرجل ، فيه منهم يبيها غير موظفة عشان تكون متفرغة له ولبيتة بالكامل
وفيه منهم ياخذها موظفة عشان راتبة قليل ويبيها بس تشيل نفسها عنة من غير لايتعرض لراتبها وفلوسها
وفيه منهم اللي نيتة من الزواج طمع بالزوجة وراتبها وهذا والله مابيتوفق بحياتة الشخصية والاسرية ابداً!!

أما الجمال والله مو كل شيء!! جمال الروح والطبع أهم من كل شيء!!
تخيلي لو أخذت بنت جميلة وطلعت أطباعها عكس شكلها!!
كيف أبرتاح معها؟؟ وكيف راح تربي أولادي!! هنا وش استفيد من الجمال أنا؟؟

أما أن جمع الجمال بالشكل والروح فهو بلاشك امر جداً جميل وينطمع فيه ..
بالأخير كلن والله ياخذ نصيبة
شفنا جميلات أخذن ارجال عاديين
وشفنا جميلين اخذو بنات جداً عاديات

المشاركة الأصلية كتبت بواسطة o بوفارديا o

يا حلم تقصدي كل اللي تعرفي متزوجات يا إما جميلات أو موظفة ؟؟؟؟

سبحان الله

ألا تعرفي منهن من ليست كما تري انها ليست جميلة ولا موظفة !!!


فالكثير يا حلم غير موظفات ومتزوجات بل لم تدخل الجامعة أصلا
أما الجمال فهو نسبي قد ارى البعض عاديات ومتزوجات وتكون عند الغير جميلة


السؤال :: ألا ترين ان الجمال يختلف من نظر إلى نظر فهو نسبي

تصدقي يا حلم سؤالك هذا اصبح يرافقني في كل جلسة فانظر إلى متزوجة عادية وأسالها هل انت موظفة ؟ : d

واحيانا اخذ كلام يليق بي مثل الصفعة لكن اتدارك الموقف بأني موظفة وكذا وكذا وبس
هوني عليك يا حلم كنت قد اعطيتك العلاح السري الذي عملت به واظن البقية نصحوك قبلي !! ماللك الا تنسي وسيأتي بحول الله وقوته


لي عودة بإذن الله