المشاركة الأصلية كتبت بواسطة شوق اللقاء

اي انها ما راح تخليك تتهنى بحياتك مع اي ست جديدة

الله يهدينا و يهديها

في فكرة و ما ادري اذا راح تعجبك او لا، لان تربية العيال صعبة شوي خصوصا ادا ما تقدر تجيب شغالة، ما تقدر تشغل زوج و زوجة بالبيت عندك (سائق و شغاله) مثلا

حياتكم راح تستقر اكثر و ممكن تسترجع توازنك النفسي

ادري انها صعبه شوي لانك راح تدخل اجانب على بيتك، و شخصيا ما اتحملهم، بس صعبه انك تلعب دور الاب و الام، لاني ما ادري كيف بتدير حياتك اليومية، لانه حسب ما افهمت، اخواتك ما يقدروا يقعدوا بالبيت معك،

المشاركة الأصلية كتبت بواسطة Abdullah30

هلا اختي
لما بدت زوجتي تهملني قمت انام بالمجلس لمدة شهرين ( كنت انام الفجر واقعد الظهر يوميا. حاشني ارق و اكتئاب ) ادمنت المنومات ولا عادت اتفيد خلال هالشهرين اكتفت بالسؤال بالتلفون ( حتى مو امامي ) ليش اتنام بره؟ قلتلها ماني عارف ليش ما انام. كنت متأمل انها تحس لكن للأسف زاد الوضع سوء. كنت لما أرجع من بره عل الساعه 9-10 بالليل كانت تعملي عشا وبعدها عل طول تقولي بروح انام. قسما بالله اني ما كنت اكمل عشاي. بعدها ادخل الغرفه القاها صاحيه مو نايمه. حسيت المسافه كبرت بينا وارجع اطلع وان ظليت بالبيت ما انام. اهي عارفه وشايفه كل هذا وامطنشه. انا اتوقع ان امحرضينها لانها 14 سنه ما كانت سلبيه جذيه. خطأي اني ما كلمتها لأَنِّي تأملت انها مو شرط تعتذر بس عل الأقل اتوقف هالاستفزازات.

تخيلي يا اختي لما طلبني ابوها علشان يعرف شصاير. تخيلي لو أقوله هالكلام عن بنته. شلون بتكون العلاقه بينا ؟؟ هالكلام كمل سنه وانا كاتمه وللحين ودي اعرف ليش سوت جذيه.

المشاركة الأصلية كتبت بواسطة الـــوحيد

قدمت شغاله واعطيت الفيزا لواحد من جماعتنا راح لسريلنكا يبي يجيب شغاله وسواق له ويبي يجيب لي معه
ان شاءالله
كلها شهر او اكثر شوي وتجي ان شاءالله
لان صعبه اصلا ابلش بنت الناس بشغل بيت وعيال وزوج بدون شغاله
وعشان بعد ماتحس انها جايه تشتغل بس
اما السواق عندي سواق
اما وضعي الحين
ابد اغسل واكوي وانظف واروش وامسح مو باقي الا ارضع بس

المشاركة الأصلية كتبت بواسطة نسياان

مسؤلية الأولاد اصعب من شغل البيت
الله يعينك على تربيتهم ويجعلهم قرة عين لك
ويرزقك بالزوجة الصالحة

المشاركة الأصلية كتبت بواسطة إستنكار

من اغرب المواضيع اللي قرأتها على كلامك اللي انت حاطه هنا انت صورت لنا إنك زوج صالح ومثالي و زوجتك رفست النعمه وتخلت عن عيالها من دون سبب وجيه .. والله شيء عجيب غريب والاغرب انها واخوتها صامتون ماذكرت انت اي تبرير من قبلهم .. هذا ماصورته انت لنا .

المشاركة الأصلية كتبت بواسطة Vanity

ايش سبب الهجر اللي يمتد لشهور؟

اعتقد هذا هو تفسير التكبر لما قالت انك متكبر.. تهجر شهور طويلة عشانها ما اعتذرت؟

ليه ماذكرت هذا الشي قبل؟

اخوي انت تصغر اخطاءك وعيوبك كما لاحظت وتكبر اخطاءها وتبالغ بالعقاب "وهذا متعب لاي انسان" وعندما شعرت بانها استغنت وماتت مشاعرها "استغناءها بهالمرحلة طبيعي لان مو معقول كل شي يقعد على حاله مع الهجر الطويل المتكرر"

اذا معاملتك لزوجتك المستقبلية بنفس الطريقة ماراح تكون علاقتك فيها صحية برضو..

المشاركة الأصلية كتبت بواسطة الـــوحيد

انا ماادعي اني مثالي لكن الحمدلله احاول اصلح من نفسي ومافيني عيوب كبيرصعب العيشه معها
اما الاستغراب معك حق ف انا نفسي مستغرب من الوضع
لكن كل شي نصيب