أحجية ..
ردّك مو غريب .. كان اسمك بوح سماوي !
معليه ذاكرتي صارت بالسالب ^_^

يسعدك يارب ..

اهدافي !
تصدقي اني توقفت عن بناء الأهداف و الطموحات من سنة و سنتين !؟
في ظل الظروف الي كنت عايشتها .. بس الحمد لله بدأت ارجع أقوم على رجولي من جديد ^^

1. ابغى ارجع اهتم في صلاتي و أكون قريبة من ربنا ..
لاني بعدت كثير عن ربنا ..

2. اولادي ثم اولادي ثم اولادي ..
اي شي في سبيل توفير الأمان و الاستقرار و الترابط بينهم ..

3. اعمل شي لامي و أبوي قبل لا اموت ..
اي شي مستمر ليوم القيامة ..

4. نفسي أشارك في جمعيات خيرية و اساعد الفقراء و الأيتام و الكبار في السن و المعاقين ..

5. نفسي اكتشف اي اكتشاف علمي .. يخدم العالم ..
و انشر أبحاث و اختراعات

.
.

و عشان أحقق الامور هذه كلها ..

لازم يتوفر عندي :

1. الاستقرار المادي ..
و يتحقق الشي هذا .. باني ادخل في مجال البزنس و التجارة ..

و عشان ادخل مجال التجارة و البزنس لازم يكون عندي راس مال ..
و عشان يكون عندي راس مال .. لازم يتحسن وضعي الوظيفي ..
و عشان يتحسن وضعي الوظيفي .. لازم اكمل دراستي و اخد الدكتوراة

ههههههه دوختك

.
.

و احتاج للاستقرار العاطفي و الاسري ..
لانه حالتي النفسية تأثر على أدائي .. : (


يعني هدفي الأساسي حاليا ..

( اكمل دراستي الدكتوراة + أكون قريبة من ربنا + بناء شخصية اولادي )
.
.