عموما يا اخ رؤوف اذا كان على عمل الخير الحمدلله احنا ما بنقصر سواء على بلدنا او الدول العربية الصديقة لكن في قاعدة عامة عني اشغل نفسي قبل الشيطان لا يشغلها اهم شئ اشغلها في الحلال

من ناحية التصدق والصدقة يا غالي خليني اذكر لك قصة صارت لزوجتي من قبل تقريبا سنة كانت زوجتي عاملة صدوق تبرعات بسيط مع اخواتها وصديقاتها في الجامعة لاعانة اسرة فقيرة سعودية عندنا في الرياض اتوقع في حي الجرادية يعتبر هذا الحي من الاحياء الفقيرة عندنا المهم الاسرة مكونة من اربع بنات وامهم واتوقع في اطفال غير البنات الكبار اعمارهم فوق ال25 سنة كانت اخت زوجتي تدفع لهم الايجار واخواتها الي يجيب مقاضي والي يسد فواتير وكل واحدة ماسكة شئ من المصاريف وحياتهم ولله الحمد ماشية على ما يرام الى ان جاء موقف صراحة انا تضجرت منه نوعا ما

اخت زوجتي جابتلهم عرض وظيفي معتبر عمل 5 ساعات في منشأة نسائية بالكامل براتب 5 الاف ريال للبنات الاربع كلهم واتوقنا انهم راح يطيروا من الفرح لانها وظيفة مميزة وراتب ممتاز نوعا ما وعمل شريف نسائي بحت مافي اختلاط او اي شئ من هذا القبيل

الي سار اتفاجأنا ان الاربع بنات رفضوا فكرة الوظيفة وبقوة !!!!

بحجة انهم لا يقدرون على العمل , حاولت معهم اخت زوجتي لكن مافي فايدة الشاهد في الموضوع مدري حسيت انهم اتعودو على العيش على حسنة المسلمين وهذا شئ لا يجوز وهوا ليش من خلق المسلم ولكن هذة النوعية بذات كثرت عندنا في بلاد الحرمين اقربها عند الاشارات بتشوف رجال شباب يشحتوا من الناس قادرين على العمل وتجد نساء مع اطفال رضع نفس النظام هذا غير العصابات الي سارت تخطف الاطفال وتسبب لهم عاهات مستديمة فقط عشان يشحتوا بهم الموضوع متطور جدا من هذة الناحية انا عن نفسي وهذا رأيي في الموضوع ان التبرعات اكثر من يستحقها دول المجاعات مثل الصومال ونيجيرا وتشاد خلينا واقعيين بصراحة اذا انتا تتكلم يا اخ رؤف انو 2600 ممكن تزوج شاب مصري في جمعيات عندنا في السعودية موثوقة ولهم اثباتات بالصوت والصورة وهم يوصولون التبرعات الي دول المجاعات 2600 ريال عندهم تكفل يتيم لمدة سنة !!!

المسالة مو مسالة تبرع وبس لكن فين الواحد يحط فلوسه