احنا ما خلينا شي ما ربيناه

اذكر دجاجتنا العوده البياضه فقست كتاكيت كلهم شقر عنقليز الا واحد اسود مشكوك في ابوه


هذا الاسود صار من نصيبي ، حظي من يومه خضر بسم الله ما شاء الله


جيت متأخره ومحد يبيه وانا اتكفلت باليتيم


عاد الكل يعايرني عياله كلهم ماشاء الله شقر

وقمت ودافعت عنه وقلت بعوضه وبخليه اكشخ كتكوت فيهم


جبت قطعة قماش وابره وخيط ولفيته عليه وخليته قميص وفي خاطري احط فوق راسه قبعه قشرة البيض

متأثره الاخت برسوم كاليميروا ، تعرفون هالرسوم ولا انتم من قوم البيكيمون

وحليله الدنياكانت حر واعتفس وما عرف كيف يمشي وامه قامت تولول وتبقبق وتنقر في الخيط تبي تخلصه من هالكفن وانا عاجبني كتكوتي صار مميز ورزه

قامت امي رحمته وفكت عنه هالمصيبه الي عليه

وبث سلامتكم

__________________
وهل من مصير اخر ؟