صدقيني اختي اذا ربي كاتبلم طلاق مع هالشخص أحمدي رربك
والله بيعوضك بسيد سيده

خليه لضميره .. ذمته تتحمل ظلم وانتي تكلمتي ونبهتي ..

شوفي انتي حالياً التزمي الصمت .. ان شفتيه مصر ع الطلاق خليه يسوي اللي يبي..
وان شفتي منه ندم وتراجع عن اللي قاله واعتذر فاقترح عليك تدورين لك اي شغله تشغلين نفسك فيها او هوايه تمارسينه .. اتركيه يختي يتصرف من نفسه قد يكون صمتك وتطنيشك يخليه يراجع نفسه .. واذا تمادى زياده ف حينها محد بيلومك وش ما كان تصرفك .. موفقه يارب ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

والله تعبت وأنا ساكته وأراعي ظروفه وتعبت وأنا أنبه ..
اليوم جاء الظهر قلت احط لك الغداء قال معزوم وللحين ماجاء ويمكن يجي ينام ويمكن مايجي ومع ذلك ماحكيته لما جاء ولاكلمته ولا أرسلت له خلاص تبلد احساسي من ناحيته جاء شافني قاعدة ارتب شنطي ماتكلم ولا قال شيء وأنا ماقلت شيء ،
بس مدري أكلم أخوي أقوله يجي ياخذني ولا أصبر .

الحمدلله ع كل حال
وحسبي الله ونعم الوكيل بكل مخبب ، عنده صاحب يعطيه نصائح ويعبي راسه قياساً ع نفسه وحياته .. وزوجي ع نياته يظنه له من الناصحين .. غير ثورات زوجته ومطالبتها له بتطليقي .. لكن وين بيروحون من رب العالمين ... حسبي الله وكفى ..

أختي الكريمة
اريد ان ألقي عليك بعض الأسئلة وأريد منك الإجابة صريحة لصالح نفسك
هل تريدين الطلاق ام لا تريده
هل عيب زوجك هذا داعي لهذا الفراق والطلاق

يبدو إنك ليس لديك إلمام في مشكلتي هنا سبق وطرحتها
http://www.66n.com/forums/showthread.php?t=254106
وهنا اختصارها
زوجي يخاف ع سمعته وصورته قدام الناس ومايبي أحد يتدخل في أمورنا واحترمت هالشيء سنة كاملة تقريباً من رجعنا لبعضه (سبق وطلقني) لكن بلغ السيل الزبى .
أنا ماأبي الطلاق ولا طلبته لكن هو يهدد كل ماأطالب بحق من حقوقي يقولي عاجبك ولا مع السلامة ، كل كلمه والثانية أنا كذا عاجبك ولا روحي بيت أهلك .. مو حياة كلها تهديد ، ماصرت أحس بالأمان ولا الأستقرار معاه ، طبعاً غير اني فقدت الثقة فيه ..
زوجي بمجمله إنسان طيب فيه صفات حسنه ولكن سؤ التصرف وانه يسمح للناس بالتدخل من جهته غير انه مايحسم المواضيع ، زوجي باختصار يتخبط ولايواجه مشاكله ..
والمرأة تريد زوج تثق به تستند عليه لازوج يتأرجح ويتمايل مع كل كلمة ، المرأة ماتتزوج عشان تعيش برعب اليوم متزوجة وغداً مطلقة دون ذنب ..