السلام عليكم ورحمة الله وبركاته ..
أختي الكريمة وضحي أرجوك لنساعدك أما الكتابة بشكل متقطع لن يساعدك ذلك ..
هل أرسلتم شيخ مصلح حكيم له ؟!
هل تريدين العودة أم فضفضة الموضوع ؟!

فرج الله همك ..

اجلسي مع نفسك واستحضري الخلافات مع زوجك ونومي بنتك
وروقي وجهزي لك عصير ليمون بالنعناع او اي شراب مفضل وابدي اكتبب لنا بالتفصيل الممل ..

لاتكتبين لنا مثل ردودك وانت وكأن احد يلاحقك

أختي
اجلسي مع نفسك وهدي أعصابك،،واكتبي مشكلتك من البداية إلى وقوع الطلاق،بشكل كامل،وواضح،
عشان نقدر نساعدك.

فلتسمعها اخواتي جميعا
تدّخل الاهل بحياة ابنتهم نتيجتها خراب وطلاق وفراق
انا لا اريد ازيد همك
موقف زوجك منك انتي ؟!

__________________


ما أنا في الدنيا الأ كراكب أستظل تحت شجرة ثم راح وتركها

لا بالعكس حبيبتي ريماس انا أنسانه هاديه جداً ومكافحه وكنت اطمح ان نكون اسره سعيده
خلافاتي مع زوجي بقولك اياه بالتفصيل الممل : انا لي سنه بس معه كنا ساكنين في شقه مع اهله وكانت امه الله يهديهاا تمدح بنات كثيييير من ناحيه الطبخ هو مايعجبه ويقول ليه امي تمدح البنات وانتي لا الرجال ماقتنع فيني وانا والله العظيم ماكنت اقصر معاه في شي وبعد طبيعي لسىى عروس وجديده اكيد ماراحً اطبخ مثل بناتها دايم الاحظها ضدي وانا تإكدت انها هي اثرت فيه انا ماأظلمها اقول هي اللي اصرت على طلاقي لا هي بسس ماكانت تحط لي قدر عنده
طبعا هو لو تعرفون شخصيته يمكن جنوبي هاااااااااااادى ولاا يحب المشاكل ولا يحب الاختلافات وصعب يرضى ابدا
اناا مشكلتي قلتلك كنت طالبه طلب من النت وماعجبه الموضوع سياسة الشراء اني اطلب من الموقع الفلاني ووواتفاهم مع المندوب هو تضايق ليييه تتفاهمين معه مع ان والله بحدود الادب والاحترام

حصلت مشكلتي قبل الولاده بعدين عقب ماولدت جاي يتفاهم مع ابوي ابوي بالعكس ماتدخل ابوي كان مصدوم من كلامه لانه يقول انا ماقدر اتحملهاا لانها سوت فعل خطير اللي هو اني طلبت مادري وين الخطوره!!! يمكن شك في اخلاقي وقال خلاص انا انتهيت منها وبيكلمك الشيخ هنا ابوي انفعل من كلامه علباله انه طلقني
ووراح من بكرره وطلقني رسمي عند الشيخ يوم سئلوه ليه وماسبب حرام توك وزقك ربي ببنت زي القمر قال السبب ابوهاا

انا حاولت فيه والله ادق عليه ومتقطع قلبي حرام بنتك وش ذنبها انا ماقدر اتزوج بعدين عشان بنتك م
رده كان البنت الله معها !!!! بعدين دقيت ع امه وتفاهمت معها كان ردها بارد جداً تقول ماالي اي يد في الموضوع
دقيت ع احد اقاربيي يتفاهم نفس الررد يقول انا مابي اشوف ابوهاا خلااص طلقتهاا يعمي مابي ارتبط في العائله هاذي بسبب الشتم اللي جاه

ياأخواني واخواتي الرجل هل فعلاً الرجل اذاا حب حرمته يتخلى عنها عشان كرامته !! ولاهو اصلا ماحب من الاساس

اخواني
لا تلومونها
والي يقول محد يطلق بدون سبب قوي
الحين شباب هالوقت من الجنسين اصلا كل طلاقاتهم تفاهات
واذا هو جاي معصب
وداخل بيت الرجال يولول ويهدد
الاب مايسكت
بالنهايه وش ذنب البنت وذنب بنتها
عناد السالفه
لو جاي ابو زوجته باللين والطيب ماراح ابد يغلط عليه
لكن يدرعم بيتهم وصوته عالي
يتحمل الي يجيه
بنات خانوا ازواجهم
ووصلت للعياذ بالله ماتطلقوا
انا ماني مع طرف ضد طرف
بس يؤلمني وضع البنات
ماتبي الطلاق وهو راسه معند
ويروح يخطب ويبدى حياه جديده
الله يعوضك خير
الخيره في ما كتبه الله

حبيبتي هذا يدور سبب
واذا طلبتي وتفاهمتي مع المندوب وين المشكله
وبدل ما يهدي الوضع داخل على زوجته بعد الولاده ويقول انا انتهيت منها وماعاد اتحملها
وامه وش هالبرود
عموما هذا الوضع الي صاير الله المستعان