بتحنن قلبه لو هو صخر بإذن الله اقولك على شغله ان شاء الله ترفع معنوياتك

انا تزاعلت مع زوجتي وهي حامل بولدي الثاني ويومها هواش وطولة لسان وانا ماتحملتها

ثم غلطت علي بحضور ابوها انت كذاب وانت وانت وانت قلت لبوها هذي بنتك عندك وانا ماعاد ابي حرمة تتكلم علي بهالاسلوب كأني اصغر اخوانها وطلعت

قعدت من الشهر الخامس عند اهلها ماطلقت لما جا وقت الولاده كلموني المستشفى وقالوا لي زوجتك تولد كانت الساعه 6 الصباح قلت لهم اهلها عندها قالت مادري بس قالت لنا نتصل عليك وعطتنا رقم جوالك لو سمحت تعال

جيتهم ركض ودخلت الغرفة الا هي على وشك تولد وهي تولد اعتذرت مني وقالت انها تعصب بس قلبها ابيض

وقلت اسكتي اول مادقوا علي المستشفى وقالوا تولد وانا مسامحك قومي بالسلامه ويصير خير

والحمدلله الموقف هذا طول علاقتنا الزوجة كم سنة لكن زوجتي تعود لنفس المشاكل ونفس الشكاوي وتسمع كثير لناس من برا وماتحفظ اسرار بيتها وهالشئ متعب جداً

والحمدلله انفصلنا الآن واحلل الوضع

لايهمك الرجال مسوي نفسه مايهتم والله اننا نغلي بس كرامتنا وتعودنا ان المراه هي الحريصة على بيتها خصوصاً اذا ماكان فيه مشكله كبيرة مثل خيانة او ادمان مخدرات او مسكرات خلاص الرجال يكون شديد وينتظر من المرأه المبادرة والرجوع

ممكن كلامي خطأ بس هذا اللي لاحظته

زوجك يهمه الوضع واتوقع والله اعلم انه بيرجعك بآخر لحظة قبل الولادة

بالنهاية لايهمك احد ولاتتبعين الا نصيحة عقلك وقلبك

تبينه بادري ولا عليك من اللي ينصح اثقلي وهو مايبيك لو يبيك بادر هالكلام مو صحيح

نحب الزوجة اللي تبادر لنا وتقول انا ابيك يافلان ومتعلقه فيك ضعفهن وحاجتهن لنا هو اللي نحبه

وقت ماشفتي ان العدة انتهت وولدي بالسلامة وهو منعزل خلاص هنا اقول لك ارفعي الراية ووكلي امرك لله

ان ارادك يدل البيت وفيه رجال يتفاهم معاهم

على فكرة رعاية الاطفال مو سهله انا متبهذل مع عيالي وتعبان وقرفان

وامي تعبانه من مسؤوليتهم وحالتنا حاله بغيابها صدقيني لو مارجع لك كم شهر بياخذ البنت ويحس ان الناس متضايقين امه وخواته ماراح يتحملون عيال الناس حتى لو عيال ولدهم امهم موجوده هي تتولاهم وش دخلنا تجيب عيالك زيارة ونبلش بهم حنا حليب وحفايظ ومسؤوليات

والله زوجتي كانت شايله شغل كبير وظيفة وعيال علشان كذا انا معفيها من الغسيل والطبخ لاني عارف انها تتعب

اول خطأ ان زوجتي ماصبرت وحمدت الله على وضعها انه احسن من كثير غيرها

حسيت بثقلها وقيمتها لما غابت بس بديت اتعود هذا ثاني خطأ اني ممكن استغني عنها

ثالث خطأ عدم سؤالها ولا بيننا اي تواصل او رغبة بالحلول وانا ماغلطت بحقها بس الاختفاء يعطي تلميح انها ماتبيني وانها كان ودها نفترق

والله اعلم



بس انتي شدي حيلك بعد وكلام كان خاطري اول ولادة انت معاي تخيلت من اول يوم عرفت اني حامل انك بتكون معاي لحظة بلحظة ماتوقعت تقسى علي هالشكل

هالكلام يأثر فيه كثير وان شاء الله يرجع لك احسن من اول