كوكي

الله يسعدك مانبغى قصص ..
انا بالبداية لما قريت رد الأخ جميل

قلت دحين باتعافى اخيرا من الخوف هذا ..
لكن بعدين خرببببببببببببببها لما صار يحكي عن مقاطع اليوتيوب ..
خفت يكمل و يكتب قصص و حكايات .. بس كويس توقف ..

.
.

اخوي جميل

انا برضو احس نفسي عقلانية .. بس ماعرف ليه !
اقول للي قدامي انه عادي اجلس لحالي .. بس وقت الجد ؛ جربت حالي
ماقدررررررررررررر .. اصير مثل الصنم .. حتى عيوني اخاف أحركها يمين او شمال

.
.

و على فكرة .. ماعمري قلت السر هذا لاحد من اخواتي و اخواني و أقاربي و صحباتي
حتى امي الله يرحمها ماكانت تعرف الشي هذا انه فيا .. لانه بيت اهلي كان دايما مليان ماشاء الله


لكن اكتشفت الخوف هذا لما كنّا زمان نعيش في فلة
و أبوي الله يرحمه يرسلني تحت الحوش او الدور الي تحت و فيه مكتبه .. و اجيب له اي شي
و كنت اخد البسة الصغيرة معايا و اشيلها في حضني و اتخيل أشياء و أشياء

و بعدين لما دخلت الجامعة و كنت في السكن الطلابي
كانوا صحباتي ينزلوا الويك اند لاهاليهم و اجلس لوحدي

ما كنت انام لحد ما يطّلع نور الفجر .. افتح اللمبات كلها و اشرطة القران
و اجلس صاحية .. : (

.
.

على بالي اني تخلصت من العقدة بعد ما جبت اولادي

لكن للاسف ..

.
.

اخوي جميل

انا مستحيل ابين لزوجي من ايش اخاف
ما راح يفكني من المقالب ابدا ..

.
.

تعرف اخاف من السواقة السريعة ..
دايما لما اركب معاه .. اتشهدددددددددددددد قبل لا اركب السيارة

يسوق بسرعة 120 داخل البلد
و 200 في طريق السفر

و لما هو انتبه اني اخاف و مع اني احاول ما ابين ابدا
صار يتقصد و صار دايما دايما يسوق بسرعة

دحين بدا يخفف السرعة لما اقول له اولادك يتعلموا ما يصير
و مرات اقول له كم وصل (ساهر) معاك !؟
يعني أحط اي أسباب مقنعة لكن ما اقول له اخاف

هو اكتشف لما طلعنا للطائف
في طريق الجبل و وسط الضباب
كنت فعلا أتشهد و لبست حزام الأمان و اشددددددددددددددد على يده
و يقول انتبهي اذا أسوِّق اي وقت و تمسكي يدي لانه خططططططططر مرة

و حلفت اني ما اروح الطايف معاه
و اني اخر مرة اركب معاه في الطريق هذا
طلع الجبل في 20 دقيقة بالكثير

من بعدها بدأ التخويف

.
.

حتى الخوف من الظلام ماني محسسته مرة

ما قلت لاحد غيركم