فيني طبع اذا ما عجبني شي وحسيته غلط وجاب لي الغثيان احكي مانيب اسكت
وراي ما اصير جدار واطنش
احس اني ملقوفه وبثره
بس اذكر مره كنا موقفين عند بقاله ونزل اخوي او السواق ( ما اذكر) يشتري
وكان عند البقالة ولد عمره10 سنوات يدخن ويشرب عصير ، ومعاه صديقه يتفرج بس
شوي الا امي تفتح الدريشة وتقول له" موب عيب عليك تدخن وهذا كبرك، ما تخاف اعلم ابوك ؟! بس هين ابعلمه وتشوف"
شوي اللي معه راح وخاف
وهو طفى السيجارة وجلس يكب العصير بالارض بشويييش وهو يفكر ، وخاف وراح
انا فيني هالطبع الغلط والشين يقهرني وما اعرف اسكت واقول مالي شغل
يشب قلبي نار لين احكي
ملقوفه وودي اغير هالطبع بس ما قدرت
قلبت على نفسي الحين ادري ، لا تشرهون معصبة

اليوم رحت اشتري لبناتي اغراض المدرسة
والاسعار ؟!!
الله عالاسعار
مدبله
ترى راتب الشهرين ما بعد نزلت !!!!!!!!!!!

من شهر كلمتني وحده
تقول انا وعيالي ما ناكل اللحم الا مع الجيران
اذا عندك لحم لا تنسينا!!!
هذي كيف عايشه مع هالجنون في الاسعار؟!!
كيف تصرف على عيالها ؟!
لا تقولون ضمان وجمعيات
حنا يرواتبنا مو ملحقين
كيف اللي عالضمان؟!!

شفتي القرف
نفس الحكاية صارت
رفعوا لنا الرواتب وطارت الدنيا معاها
وينخفض البترول ويقولون مالنا دخل بالبترول ما نخفض
حسبي الله عليهم
الله لا يبارك في مالهم مادام فيه نصب على المسلمين
واللي يقهر
عيادات طبية
تعطي المواطن سعر والوافد سعر ثاني !
قهر
طبعا بالخش والدس

__________________
الحمدلله الذي بنعمته تتم الصالحات

فاكهة
لما اروح اراجع بالمستشفى ادفع بالمءات والالاف
والمقيم يدفع11 ريال و 30 ريال واسعار ما تسمعينها في وجبة كنتاكي!!!
بس تدبيل الاسعار هالمرة مو طبيعي

الله يفرجها علينا وعليكم
ههذا اللي نقدر عليه