13-02-2015, 01:03 PM
|
المشاركة الأصلية كتبت بواسطة أخي في الله
يسعد صباحك اختي ميرة
 ابتسمت لأني تذكرت الاخت ياسمين الله يذكرها بالخير شوّك الله عدوينها وكفاها شرهم. يسعد صباحك وصباحها وصباح الجميع. اختي ميرة ممكن اعرف ماهو اثر : عليكي اليوم؟ لاتفكري بمخك وتستحضري الموقف وتخرب النفسية! لا لا لا اباكي تفكرين باصابعك اتركي اصابعك على الكيبورد واضغطي ارسال على طول اريد فقط معرفة وضعك النفسي حالياً عشان اعرف وش اقول بعد كذا أنا أفضل .. ولكن جزء مني يشعر بالضيق. ليس منك .. ولكن لي فترة كنت أستيقظ من نومي لا أفكر في الأمر الذي كان يكدرني .. كنت قد قررت أن أتعامل مع حياتي الزوجية ـ مع زوجي تحديداً ـ بشكل عملي بعيداً عن المشاعر. قررت التركيز على تحقيق المصالح .. مصالحي ومصالح أبنائي ـ وما دامت مصالحنا متحققة فلا يهمني شيء سوى هذا ..... وفي حال تساءلت فأنا أقصد المصالح المادية تحديداً. اليوم استيقظت وأنا ذهني مشتت قليلاً. هذا اولاً ثانياً : هل اخذتي موعد عند اي عيادة بامارتكم؟ ومتى ستأخذيه؟ ما شاء الله عليك .. مب كأنك متصرقع شوي؟  اليوم الجمعة .. والدنيا إجازة. وأساساً ما مداني أدوّر وأحصّل .. باسوي بحث وأشوف شو بيطلع وياي. ثالثاً : على طاري انك ماتروحين لاحد الا بعد معرفة تجارب الاخرين ورؤية النتائج واثر ذلك عليهم ( يكون الاستشاري وقتها اتقاعد!) انا لما اتصلت على مركز التخسيس وسألتني موظفة الاستقبال : حابب موعدك يكون عند اي اخصائية؟! قلت لها : ماأعرفهم ، انتي اختاري من عندك؟ بس اريد وحدة غير "فلانه الفلانيه" اللي تتابع معها الوالدة ( عشان لاادخل مع الوالدة ، وعشان اعجبتني شخصيتها وقلت خليني اشوف غيرها (يمكن الاقي احلى واحلى ! (زي تفكير بعض المعددين)) . الاستقبال : اجل موعدك بيكون يوم كذا وكذا ، مع الاخصائيه "فلانة الفلانية" واسمها كان حلو ورنان وقلت في بالي ( يابختك ، هذي من بدايتها فله ، ( اللي يسمعني يقول انت رايح تخطب ولا رايح لاستشارية تخسيس!!) المهم : جاء الموعد وقابلتها و و و طلعت منقبة! وصوتها منخفض! وكلامها سريع! واستمريت معها كم جلسة ثم اردت تغييرها ( تغيير الفاكهة) وسألت الاستقبال : ها وش عندكم فواكه ، اقصد اخصائيات ؟ (طبعاً ماقلت فواكه ولا كان قفلوا ملفي) المهم اخذت اسماؤهم عشان افكر مضبوط ، الا الوالدة تقول لي في احدى المرات واحنا جالسين عند أخصائيتها ليش ماتجي عند نفس أخصائيتي ، عشان ندخل بنفس الوقت؟ قلت : طيب وعلى استحياء ( سلاماااات وكأنها شوفة شرعيه، سبحان الله الرجال ، بلاش الرجال وخليني اتكلم عن نفسي عشان لايطلع احد يعارضني ، سبحان الله انا اتلخبط لما يكون اللي امامي امرأة لا ارادياً) وتابعت مع هذه الاخصائيه وصراحة كانت افضل بالنسبة لي: 1- كاشفة الوجه 2- صوت عالي ( اقصد واضح ) 3- شرحها معقول طيب وش اللي فرق الحين! مو الاخصائية هذه انت تعرفها قبل هذيك وما كنت متحمس لها! صح كلامك ياعقلي ، بس اكتشفت قيمتها عندما رحت لغيرها طيب ماهي خلاصة البربرة اعلاه؟ الخلاصة يااختي ميرة انك لازم تجرّبي اكثر من استشاري او استشاريه وستخرجي من كل واحد بفائدة قد لاتجديها عند الاخر انا الاخصائين النفسانين ( السلوكيين) اللي زرتهم على مدى الاعوام السابقة خرجت من كل واحد منهم بفائدة وانا عايش والحمد لله بشكل افضل بسبب تجميعي لهذه الفوائد منهم |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري