أخذت نظرة سريعة على مواضيعك السابقة

اختي عندك مشكلة حقيقية وهي الحساسية الزايدة

انتي حساسة زيادة عن اللزوم وتطلبي الاهتمام من زوجك بشكل مبالغ

بناء على موضوع قريته لك في قسم المقبلين على الزواج, زوجك لاحظ هالنقطة فيكي من أيام الملكه وتعمد يغير معاملته معك عشان تتركين حساسيتك

تصرفاته معك تدل على حاجتين:
1-انه طفش من حساسيتك ومن كثر مايراضيك
2- انه يشوف بما انك شلتي يدك من المصاريف فهذا يعني انك أنانية وماهمك إلا نفسك وبالتالي هو بعد صار مايهتم إلا في نفسه وماعاد يدور رضاك

وفيه نقطة بعد لاحظتها في مواضيعك تكررين كثير انك وقفتي مع زوجك.. اذا انك تكررين هالكلام أمام زوجك فما ألومه صراحه على تغير مشاعره تجاهك خصوصا انك كمان تشعرينه انه مو قادر يأمن لك حياة كريمة

زوجك فيه صفات حلوه بشهادتك انتي انه طيب وكريم ورومانسي.. وانتي ساعدتيه ماديا على أساس انه يستاهل.. سواء تصرفك كان صح أو خطأ انسي هالشي تماما الآن وافتحي صفحة جديدة

بعدما تنحل مشكلتكم الحالية وتتصالحون, تقربي من زوجك وادعميه معنويا وفهميه أن علاقتكم أسمى من أن تهدمها الفلوس ووضحي له انك مستعدة انك تعيشي معاه على حسب استطاعته (وافهمي انتي بعد هالشي كويس) عشان مايكون تحت ضغط نفسي

واضح ان زوجك يعاني من ضغوطات نفسية بسبب قلة المادة والإنجاب

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا