ممكن يكون عين وانا قريت قصص كثير أن العين تنفك بطلاق
لدرجة الزوج والزوجة اذا بينهم عين أفضل علاج انه يطلقها ويعلن الطلاق بعدين يرجعها وانت أدخل النت واقرأ

الله يجمع شملكم عاجل غير آجل

مطلقة حامل ياريت تكتبي موضوع تبلغينا بج
اخبارك الله ييسر لك الخير

اول شي اخوي...اسال ان يشرك صدرك وينسيك ماضيك ويجعل القادم افضل باذنه.....انا قد سمعت ان اذا كانت جلسه تعتبر طلقه وحده ...روح اسال المفتيين الثقه اهل العلم وشوف ردهم...وبعدين كيف تشك باخلاق البنت وانت الحين تكلمها وتتواصل معاها...يعني انت تشوف اللي تسويه الحين صح يوم انك تشك باخلاقها البنت الحين خلاص صارت محرمه عليك اتركها اتركها لوووجه الله ...كلنا تعذبنا بعد الطلاق كلنا تعبت نفسياتنا كلنا كرهنا حتى حياتنا بس هذا مايسمح لنا اننا نسوي شي يغضب الله....وبعدين ليش احنا كل يصير لنا نربطه بالعين او بالسحر ....ليش مانكون مؤمنين بالقضاء والقدر ونقول مكتوب ومقدر..ليش قلوبنا ماتكون قويه ونصبر على مصايبنا ونقول خيره.....شوف اخوي لو تقول عين او سحر او او صدقني بتتعب وبيجيك وسواس وبيعذبك الوسواس عذاب مو طبيعي .....وانت سليم معافى مافيك الاع عافيه ربي.....ومعليش لاتزعل حتى لو كان زواجك فخم ومن افخم فنادق او قاعات الرياض مو انت الوحيد اللي تسوي زواج فخم ولا انت الوحيد اللي يكون زواجه هاي هاي.....وبعدين يمكن زوجتك تكذب نبيك بس عشان ترجعلها وياويل حالي ويلاه تشك باهلك هم اللي مسوين السحر خييييير خليها تجيب اللي يثبت لك خليها تقولك ويش هو حلمها ومين اللي فسرلها الحلم وتكلمها تتأكد وحتى لو لاسمح الله صار صدق تأني اخوي تأني انت شكلك من النوع الطاير الله يهديك ........واذا سألت شيخ وقالك خلاص حرمت عليك اتركها ثم اتركها ثم اتركها اتق الله اتق الله فهذا العمل لايجوز .....اما بالنسبه لأزمتي عديتها بفضل الله ثم بفضل الدعاء واشغال نغسب بكل شي حولي التحقت بدار للقران كنت ادرس فيه سابقا والتحقت بدورات وبديت انسى طليقي وانسى طوايفه بعدوسبحان الله كمان ربط الله على قلبي ربط والله عحيب اقسم على كثر صدمتي بالطلاق الا اني كنت قويه ومتماسكه بفضل الله...لأني الحمدلله استخرت بالطلاق مثل استخارتي بالزواج والحمدلله على كل حال
تقبل مروووري

هلا والله
اتقبل كلامك وكلامك واقع
وراح اجاوب على كلامك
اما سالفة الشك علقت اول على رد احد الاعضاء وممكن ما انتبهتي
شي ماضي وانا انسان بحثت بالماضي وبحث بالماضي مو كويس ولاسف ما فهمته الى بعد الطلاق
وهو من الشيطان وكان شي تافه
اما السحر ان شاء الله بعيد عنا واني اشك باهلي شي مستحيل بس افكر انهم يسوونه
بس جالس افكر ليش قالت كذا لانها تقول حلمت وخويت خالتها هي اللي فسرته لها
اما تواصلي مع طليقتي وربي اني حاولت اكثر من مره اقطع العلاقه بس وربي ما قدرت
لانها هي اللي تضغط علي وتحملني مسئولية كل شي الطلاق وتدمير حياتها
ووضعها وابوها ومرضه وانها محتاجتني اوقف معاها لين تعدي ازمتها
وانا شرطت وحلفت اذا حد خطبها انها تقولي
وانا باقي مارجعت الشيخ اللي بالخرج
لاني سويت الصك عنده
وانا حاليا بامريكا فلا اقدر ارجع حتى انتهي من دورتي
والله اني عارف اني ما يجوز اني اتواصل معاها
بس الله يعلم اني ابيها تعدي هالمرحله واشوف الشيخ اذا ما عاد فيه رجعه نهائيا مع ان الرجعه يقولون اذا صدر الصك خلاص ما فيه مابه امل

وكلامك انك نسيتي طليقك
انا اسالك من جد نسيتيه
وكيف نسيتيه
فيه اشياء ساعدتك
مع اني اذا حكمت عقلي اقول اذا تزوجت اكيد بنساها والحينه ما اقدر لاني جالس اتواصل معها

يااخوي عشان ماتتعب نفسك وتتعبها ع شي مفروغ منه
مالك اﻻ ترجع للشيخ وتسأله اذا مافيه رجعه خﻻص
ابتعد عنها واقطع كل سبل التواصل ﻻنك ماراح تستفيد شي بس بتتعذب وتعذبها
اذا قطعت كل السبل مصيرها تنساك وتنساها
واللي يقولون ساحرتك البنت لو تبي تسحر كان سحرته وهي على ذمته مو بعد ماطلقها
ﻻ تدخلون شي بذمتكم
الله يكون بعونك

إذا كان فعلا هناك سحر ..

فالظاهر أختلط الحابل بالنابل العطف والصرف بنفس الوقت ..





يا أخي لا سحر ولا شي ..
إنت طلقت وكنت متسرع جدا..
فيه أحد يغلق الأبواب جميعها ويطلق بالثلاث ؟؟
ليش ربنا وضع العصمة في يدك ؟؟ لأنك المفروض الطرف الأكثر حكمة والأكثر ضبطا لردة فعلك وتصرفاتك .. عكس المرأة عجولة وتغلبها عاطفتها ..
وليش ربنا وضع ضوابط وطلقة اولى وعدة 3 حيضات وطلقة ثانية وعدة 3 حيضات ؟؟
هذا موضوعكم يوضح حكمة ربك عز وجل .. الندم والرغبة في تصحيح الأمور والعودة ..
الزواج ميثاق غليظ .. ركز بهذه الكلمتين .. الناس يحتاجون سنييين طويلة حتى ينسجموا ويتوافقوا وتقل مشاكلهم ..
العناد وتدخل الأم والله هاذي مشاكل بسيطة وتنحل مع الزمن ..
نبش الماضي خطؤك أنت .. وإنت معترف ..

انا عارفة كلامي لا بيودي ولا يجيب في حالتك ..
بس إن شاء الله غيرك يتعظ لما يشوف مشكلتك ..
إنت مابيدك إلا تروح للشيخ نفسه وتقول له أنا طلقت ثلاثا في جلسة وحدة وكثير علماء دين أفاضل قالوا انها تحتسب طلقة واحدة ليش عطيتني الصك ؟؟ شوف وجهة نظره بالموضوع .. كل مشكلة لها حل وإذا خطأ منه فكل خطأ يتصلح إن شاء الله ..

موفق اخوي واسال الله لك الهدايه والسداد......بقولك كيف نسيته اول شي حذفت رقمه وحلفت اني لو ارجعه اصوم شهرين متتاليين وكانت هذي اول خطوة وكانت بفضل موفقه....جلست فترة تعذبت وكل مابي ارجع رقمه واتطمن عليه بالواتس واشوف متى اخر ظهور وكذا...اتذكر الصوم واتركه وجلست ادعي واستغفر وكل ماتذكرت الطلاق كنت اكثر من قول حسبي الله ونعم الله اجرني في مصيبتي واخلف لي خيرا منها وصرت اشغل نفسي باشياء كثير دورات خلقات قران واليوم اللي مافيه دراسه اروح اي مول او كافيه مع اخواتي ....وصرت ماروح للسرير الا انا تعبانه وهلكانه بس ابي النوم زبفضل صرررت عااادي ومايهمني ودايم يذكرون لي اسمه واشوف العيون بس تناظر فيني ويبون يشوفون ردت فعلي....وخصوصا انه كان ولد خالتي والله كان نسيانه جدا صعب حتى امي واخواتي كانوا مستغربين مني ومن الثبات اللي انا فيه....وكل هذا بفضل الله ثم ماذكرت لك ....لا انكر جميل بعض الصديقات منهم من جات لي تواسيني والثانيه جات تطبطب على كتفي وتدعي لي هونوا علي كثييير الله يجزاهم الجنه........انت بس اعزم النيه واجزم بقرارة نفسك انك راح تنساها اقطع اي شي يذكرك فيها رقم جوال اي هديه منها اي شي من اغراض الزواج ....اي كل تجهيزاتي لزواجي والهدايا وكل شي وديته للجمعيات الخيريه ما خليت شي غندي غير الذهب .......كل شي كل شي فيها اقطعه وانسه خلاص هذي اهم خطوة واذا ماتعديتها ماراح تعدي اللي بعدها...خلك قوي وابدأ من اليوم واذا رجعت وصار لكم رجعه وقتها سوو اللي تبيه امااا الحين لا لا والف لاااااااااااااتركها لوجه وسلامتك والله يكون بعونك ويفرج همك ويشرك صدرك....

طيب ليه ينساها اذا في أمل يرجع لها
ليش احنا نعيش ضمن سجن مفرشه على انفسنا انا احب هالانسانة وودي اعيش حياتي معاه
ليش ما أسعى في التقريب بيني وبينه
ان حصل فرصة
قصة زينب بنت الرسول عليه الصلاة والسلام بعد طلاقها من زوجها لان الاسلام اوجب التفريق بينهما لاختلاف الدين
خبر دليل على ان الانسان يفترض ان كان له شعور ان لا يتجاهله طالما في حدود الشرع باقي به الامل
ليش هو يروح يتزوج غيرها وقلبه معها او هي تتزوج غيره وقلبها معاه
وهم لو سأل. ممكن يرجعو لبعض وتكون حياتهم اروع مما كانت ، نحن لانعترف على القضاء لكن لنعلم اننا غير مظلومين في قضاء وقع علينا لاننا في الغالب أسهمنا في هذا القضاء بقرارنا اعلم انه مقدر لكن في الحقيقة نحن من اختار ، تقولين نسيتي طليقك بذمتك لو شفتيه بالطريق عادي ، طيب لو يجيك مسج منه عادي طيب لو حلمتي فيه عادي

ابتسامه جذابه....انا ما احرضه عليها واكيد كلامك ولنا في رسول الله قدوة حسنه...بس هو يقول ان الشيخ قاله حرمت عليه زوجته وانا من باب المساعده فقط واتمنى فهمتي قصدي....انا بالنسبه لطليقي والله الذي لا اله الا هو انا ماصار يعني لي شي وصاروا يتكلمون عنه قدامي واشوفه رقمه ورسايله بجوال الوالد والله ماحرك فيني شي ابد لاني خلااااص انتهى امرة ومابي اعلق نفسي بشي يعذبها وصار ماضي اليم لا غير

اخوي كم استمر فترة زواجكم وكم صار لك منفصل
انا استغرب لما اشوف رجال ماشاءالله متعلق بزوجته وبنفس الوقت قلبي يرتاح احس ان الوفاء لازال بقلوب بعض البشر انا احساسي انه طلقه وحده لازم يااخوي تسعى وتسال اكثر من مفتى يارب يجمعكم على خير