بجاوب عل سؤالج هذا بعدين ارجع عل الموضوع الأساسي
انا بكون صريح انا كنت اراقب طليقتي ( اهي طلبت الطلاق وبقوه ) بس مو بالنت. كنت دايما اسال عنها وعن احوالها عن الاولاد و الخدم وبعض الاقارب لأن بعد الطلاق جن جنوني وخفت عليها من كلام الناس ومن هالزمن الأغبر. احبها وكنت ابي أرجعها بس للأسف طليقتي زادت بالمكابر لما عرفت هالشي.

سؤال صريح وسريع....انتي ودك ترجعين لزوجك؟

نرجع للموضوع الأساسي
شعوري يا اختي اني عشت سنه تقريبا نفسيتي بالحضيض اكثر من 11 سنه راحت من عمري. طليقتي استغلت خوفي الشديد عليها اسوء استغلال وحسستني انها فيها أمراض و بلاوي وأنها يمكن اتموت وأنها وحيده واهلها اتركوها وانا صدقت وكنت أتحمل عصبيتها ولومها لأَنِّي كنت امصدق ادعاءاتها لحد قبل شهر ما اكتشفت ان كل هالكلام افلام لاستدرار العطف او يمكن للوصول لغايات معينه بالمحاكم لأَنِّي كنت جدا مسالم ولا رفعت اي قضيه او اتخذت اي اجراء مثل ما يسوي معظم المطلقين. انا ما أنكر ان في شكوك ان فيها أمراض نفسيه بس أهي رافضه أتراجع استشاري ورافضه اتسوي الرقيه الشرعيه ولحد الحين ما فكرت اتروح العمره من بعد الطلاق لأكثر من سنه.

ما أخفيك يا اختي اني تقطعت من داخلي لان الي شفته بعد الطلاق أقوى من سبب الطلاق نفسه ولا عاد فيني ثقه بالحريم خلاص. حاليا عايش لعيالي ولنفسي وبس. طليقتي عايشه عل ردود افعالي الله لا يبلانا