اتوقع المشكله في الحب
الاخت تحبه صح

السلام عليكم ورحمة الله
أختي روح الطير هل استشرتي الخالق قبل الخلق (صلاة الاستخارة) اسال الله أن يكتب لك الصالح وش اخبار شغالتك حقة توم وجيري ههههههههههههههههه ارجو ان تكون هذه دعابة لتروحي عن نفسك لاني لاحظة انك مضغوطة من خلال ردودك

سبحان الله زوجك ذكرني بطليق أختي كان يلبس أمامها لبس الدوام واذا نامت نزلها وحطها خلف كنب المجالس وراح .........ومره في التوقيف ومره مسافر ....

وبعد الطلاق بهذلها كان يطلع لها حتى وهي خارجه من الدوام يناديها بصوت مسموع ومن غير الاتصالات وامور يسويها مره يربي لحيته عشان يثبت انه تاب والتزم واذا رفضه ابويه حلقها ....
الحمدلله تخلصت منه بعد معاناه وربي عوضها ....

اذا قررتي الطلاق كلمي أحد اخوانك الي تثقي فيهم ويكون هو الي يواجه زوجك بعد الطلاق ويهدده لو حاول التواصل معاك ...

لاتنسي الاستخاره والله يقدم لك مافيه الخير

الله يسخره لكي ياروح دعيت لك من قلبي

الله يريح قلبك ويجبر خاطرك يارب

قولي اللهم أأجرني في مصيبتي واخلف لي خيرا منها

مشكله اذا بعد كل اللي سواه ماطلع من بالك للحين !!! خلاص اتركيه وابدي حياة نقيه بدونه .. واذا متامله انه يتغير اقولك انسي...

اختي روح الطير
لماذا كل هذا المعاناة والتفكير الان
أنصحك وبشدة ترك الطلاق الان جملة وتفصيلا وأعطيك الأسباب لترى ان وجوده الان نعمة برغم سلبياته ومشاكله
انت تريدين البعثة وإكمال دراستك وأني اجزم انك لن تستطيع فعلا ذلك بدون ظل رجل ولن يكون إخوانك باي حال من الأحوال مثل أباهم فمهما حصل يظل اباهم لذلك لكي يبارك الله لك في دراستك اجعليها كفرصة له وفي ذات الوقت كممر وجسر لك لإكمال دراستك ويكبروا ابناءك وانت تكملي دراستك وبعدها لكل حادثة حديث اما الاستمرار ام الانفصال
لكن توقيتك جداً خطأ وغير مدروس اذا كنت طموحة ستعضي أصابع ندم وانت تشاهدين بعثتك موقوفة بسبب هذا المزعوم رجل أستفيدي منه لمصلحتك ولا تستعجلي والذي صبرك ما مضى سيصبرك بما أتي
والذي سيأتي سيكون محملا بدكتوراه بعد سفر وغربة وتعب فالقادم افضل بكثير مما ذهب ولكن اصبري لكي تبصري وانزعي النظارة السوداء واستبدليها بنظارة بيضاء فتشاهدين طموحاتك وقد باءت بالتحقق فتعلمي ان وجوده للان خير لك ولابناءك
وكونك تطلبين الكيفية عن نسيانه فهذا دليل انك للان عاجزة عاطفياً وعقليا الانفصال عنه فكيف بتعطيل مصلحتك معه ووجوده مع ابناءه بالخارج
استخدميه واستفيدي منه فريال من ........ فيه فائدة
ولا تظني انك الوحيدة التى تعاني انا كرهت المخفي اللى عندي ومع ذلك سآخذه واستفيدي من وجوده معي في الغربة حتى لا اصبح فريسة للذئاب والكلام الناس وأهلي وأكون خرجت بأقل الخسائر
خذي نفس عميق وأخرجي لمن ترتاحين معه في الحديث فستكون نفسيتك افضل فهذا عارض وان شاء الله يزول

*. فيه شي بأوضحه .*

موضوع العلاقات لا سمح الله ..
ترك الصلاة متعمدا
غياب بدون أسباب عن المنزل ..
تصرفات مريبة ..

هذه ما حصلت والحمدلله ..
لو صارت لا سمح الله ..
انا على ( ربع غلطة ) ماني مقصرة .. جالسة استنى ربع غلطة ..

لو صارت لا سمح الله او شكيت مجرد شكك مع ( وجود مؤشرات ) ..
مباشرة راح انهي حياتنا

.
.

لكن زوجي من كثر ما كان ممثل .. و انا كنت اثق فيه و ما احب اُسلوب التحقيق ..
فحاليا هو من كثر ما يحاول يثبت لي انه تغير ..
انا الي تغيرت و صرت جالسة له ( عالتكة ) .. الشي هذا متعب لي نفسيا ..

تحول الموضوع لعناد .. لانه ما تعود مني التحقيق و اُسلوب الخنق ..
يقول هذا اُسلوب ابويا و أكرهه .. فجات فترة صار بعد الصلح ؛ يتقصد انه يستفزني
عشان لا أعامله بالطريقة هذه .. و بدأ الشك يدخل قلبي ..

رحت مباشرة للمحكمة و كلمت شيخ الصلح و دقوا عليه ..
و عرفت وقتها انه الصك حفظ لي حقوقي كلها و عرفت انها فعلا ورقة رابحة بيدي
و هو كمان عرف وقتها اني فعلا جادة و ممكن بيته يتخرب اي وقت ..

هذا قبل ( شهر تماما ) ..

.
.

لما شاف الموضوع جاد فعلا .. و اني ممكن باي لحظة أنهي حياتي و حياته ..
صار يراضيني باي طريقة .. بس انا بداخلي نفور بسبب انه عاطل و رجع للكسل و تعرف على شلة جديدة
و أغلب وقته معاهم .. بس ما يسهر مثل زمان ..
12 بالكثير او 12:30 في البيت ..

و لو يسهر ليلة الجمعة لحد 2 معاهم .. ما أزعل منه بس كل شي بالتفاهم
مو بالكذب ..

هو بدا يفتح لي قلبه مرات .. لانه صندوق مغلق مع اهله و مع الكل ..
بدا يشوف مني الوجه الاخر ايضا .. الوجه المتفاهم معاه لو انه تعامل معاي بصراحة و صدق ..
مو مثل ما كان يشوف من اهله ..

اهله لو يعاملهم بصراحة و صدق .. يعاقبوه و يذلوه و ينكدوا عليه .. فالكذب هو الحل و كان يمشي عليهم كذبه
انا الكذب ما يمشي معايا .. و احترم الصراحة
ربي رازقني ذاكرة و قدرة على ربط الأحداث ببعضها .. فدائما يتورط كان ..

باكتشف أكاذيبه .. و الاكاذيب لما اكتشفها كنت وقتها انكد عليه حياته ..
صار دحين يتعامل معاي بصدق .. راح جلس مع شيخ و نصحه انه يعاملني بصراحة و صدق ..

و بدا يمشي معايا بالشكل هذا حاليا ..

لكن بسبب كثرة أكاذيبه سابقا و تمثيلياته .. انا ما صرت أصدقه ..

من أسبوعين بدا يرسل لي إثبات على كل شي يقولوه
مثلا يرسل لي ( موقعه ) او يرسل لي ( صورة إثبات على كلامه ) ..

الفرق حاليا اني تعلمت و اعرف اكشف طريقته لما يكذب ..
لكن أكاذيبه ما تستحق حاليا .. الذهاب للمحكمة لطلب الطلاق
هذا سبب عدم استخدامي الصك الى الان ..

لكن لو استمر بالطريقة هذه بالكذب .. يعني حاستنتج انه راح يرجع لنفس طريقه القديم لا سمح الله
هو كمان صار يعرف اني اكشفه لما يكذب على طول .. و ما اسكت له لو كذب علي كذبة بسيطة ..

.
.

ليش ما استخدم الصك و اخلص حالي منه !؟

لإني مراقبته .. و شايفة محاولاته ..
صح انها ما ترضيني .. لكن احاول اقيس بمقياسه هو .. و بقدراته هو ..

انا ممكن اخلص 10 اشغال في يوم واحد الحمدلله
هو يخلص شغلة وحدة في عشر ايام ..

.
.

دحين صار بنفسه .. يجيب إثباتات لي عشان ما انفصل عنه ..
لقي وظيفة جديدة .. بعد ما دخل للمدير بنفسه و بكي و قال له داخل على الله ثم عليك ..
عندي ثلاث اطفال و زوجتي رافعة علي قضية بالمحكمة راح تطلق مني لو جلست عاطل ..

و جاب لي الاوراق الثبوتية عشان أصدقه ..
و قال ابغى اطلب منك طلب واحد ..

كفاية كذا ..
لا تضغطي علي زيادة .. من اول احاول اثبت لك اني تغيرت ..
خلاص صدقيني و لا تصيري كذا مثل أبوي ..

قلت له تحملني .. الثقة ما ترجع بسهولة .. و انا تعبانة نفسيتي و أعاني ..
و انا ما كنت كذا زمان .. لكن انت خليتني كذا معاك بيدك ..
كنت اثق فيك اكثر من نفسي و انت ما قدرت ثقتي ..

المهم .. قال انا عارف الشي هذا و اني انا السبب
و عشان كذا متحمل ضغوطاتك علي .. بس خففي شوي

.
.

التوقيف حقة اليومين الي فاتوا .. طلعت حكاية لها بعدين اكتبها

انا ابغى انفصل عنه ( عاطفيا ) .. عشان لا افكر فيه ..

.
.

انا اعتبرته ميت .. و رصيده صفر عندي و لغيت كل ذكرياتي معاه

بس هو كمان .. مع كسله هذا و اتكاليته ..
لكن بيعمل أمور تنضاف لرصيده .. و صرت اخاف أتعلق فيه و ارتبط به عاطفيا ..

مادري وش ببالك،،حنا مانقدر نساعدك اذا ماساعدتي نفسك،،يا اما ابقي معاه وكوني على اهبة الاستعداد لاي صدمه..واذا انفصلتي عنه عاطفياً ماراح يجلس عليك اكيد بيتزوج او يصاحب وحده تحتويه وتعطيه اللي يبي..يا اما سامحيه وعيشي معاه حياة كامله مع الاستعداد لاي تصرف طايش منه..او اتركيه بخيره وشره وابدي حياة جديده..الا عاد اذا جت معجزه وخلته يتوب ويترك سوالفه للابد كل شي جايز

هو قال للشيخ الي راح له زوجي ..

انا خايف حرمتي تتطلق مني اي وقت ..
و عارف انها راح تخليني معاها لحد ما تخلص بعثتها و ترجع بشهادتها و تتطلق مني ..

.
.

و ماعرف ايش كمان تكلم مع الشيخ ..
لكن من وقتها يقول ايش الي يرضيك .. و أسويه لك .........

.
.

يكذب علي .. اقصد يعني مثلا يقول اجي الساعة كذا ..
استناه .. و معروفين رجالنا بمواعيدهم المضروبة ..

بس هو بالذات لما يتاخر .. اساله فين كنت !
لانه زمان كان لما يتاخر .. كنت اخد الامور بحسن نية و اصدقه و ما أحقق معاه
و هو يكون اصلا بيعمل مصايب وقتها .. و انا هبلة زمان ..

دحين لو زي كذا .. تاخر فرضا ..
اطلب منه إثبات مقنع .. او خلاص نتطلق لاني ما أتحمل أعيش في شكوك ..

ماعرف واضح كلامي !
اعذروني لاني انا بنفسي متعبة من حالي و احتاج فترة راحة ..

باْذن الله في الصيف لازم اسافر شهر اقل شي ..

هو يجيب إثبات حاليا لأي شي و اي حركة ..

مثلا قالي توظف ..
وقام ورآني كرت المدير ..

قالي فيه كشف و تحاليل مطلوب منهم و تاخر ..
قلت له صور لي ..

صور لي و شفت التفاصيل المسجلة

ارسل لي موقعه ..
بس السؤال لمتى زي كذا !؟

.
.

انا ما ابغى أتعلق فيه ..
و لا ابغى اصدقه ..

و صرت اطنشه مرات .. لاني أكره اُسلوب التحقيق ..
بس لو شميت ريحة شي مو تمام ..
مباشرة اطلب منه إثبات .. لاني مابغى أعيش في حالة شكك

ما صرت اسمح لأي شي يجلس في نفسي ..
حتى تعاملي تغير مع البقية بسبب الشي هذا ..
يكفي اني ضاغطة على حالي عشان أعيش معاه ..
لانه اللي سواه .. ما ستغفر بالنسبة لي ..

فيعني يا تريحني من دحين و تجاوبني بدون لف و دوران ..
او خلاص .. اهم شي راحة بالي ..

ما راح اتنازل عن راحة البال ..
لو فيها طلاقي عنه ..

.
.

انا باعامله كويس لما يكون صادق و يثبت صدقه
بس ما احاول اربط حياتي بحياته .. و لا راح اثق فيه مهما عمل
بس موضوع الثقة مو بس هو .. كل الرجال ما اثق فيهم ..
يعني استمريت معاه او تركته .. ثقتي في الرجال معدومة تماما ..

.
.

انا اعتبره ( محطة ) .. سواء هو او غيره ..
عشان كذا .. انا مستحيل اخد واحد غير زوجي .. لاني كرهت الرجال و انعدمت ثقتي بهم ..
عالاقل عايشة مع ابو الاولاد .. و الاولاد يعيشوا مع ابوهم ؛ افضل من تشتتهم و انهم يعيشوا مع شخص غريب ..


هنا الصعوبة الي الاقيها .. و الي ابغى كنترول لها ..
ماني قادرة اعتبره ( ولاشي )

قبل اسبوع تاخر و هو عند اصحابه و تاكدت انه مع اصحابه ..
وقبلها وعدني انه بيرجع الساعة كذا ..

زعلت منه .. جاء و ساعدني في البيت لحد الفجر ..
كنت جالسة اشيل ورق الجدران من الصالة لانها معدومة .. و ساعدني ..
و شالني فوق أكتافه عشان أوصل للسقف و اشيل الأجزاء الي فوق ..

و عشانه تاخر .. قلت له ابغى انام و مالي دخل في الاولاد
قام هو عمل لهم حليب .. و غير لهم البامبرز الله يعزكم ..



.
.

الصك بيدي .. كأنه العصمة بيدي ..
لكن الاولاد .. و ابوهم بيسعى لإثبات انه تغير ..

متصاحب مع شلة جديدة ..
هل راح اقدر امنعه انه يتصاحب !
راح اقدر أتحكم فقط انه يعمل كنترول في مدة جلوسه معاهم بحيث ما يأثر على مسئولياته معانا ..

نفسي اتجاهله تماما ..
بس ماقدر ..

.
.

الشيخ الي يصلح بيني و بين زوجي .. الي بالهيئة ..
يقول انا متاكدة فيه ( عين ) بينكم .. و يقول أعراضها واضحة جدا ..

ما اصدق انا الأشياء هذه ..
احسها شماعة ..

.
.

هو يبطل كذب و كفاية ..