مع الاخ اهداني ثلجاً..زوجك معيشك بقلق وانتي ماتبين الطلاق عشان كذا جايه تدورين كلام(ابر مخدره) عشان تعيشين معاه مع تجاهل خرابيطه وطيشه...اذا لك رغبه بوجوده معاكم كأب خلاص كملي معاه ..بس نصيحه اخويه من اخت لاختها لاتشتغلين محقق،،ترا مايحتاج فيه ملكين عن يمينه ويساره وهم مكلوفين بالتسجيل..انتي تجيبين لروحك المرض ليش،؟؟ بالطقاق يسوي اللي يبي بالعكس حسسيه انه ماهمك يمكن مراقبتك له مخليه عنده فضول لان كل ممنوع مرغوب،،

والله يا روح انا شايفة ان كلام الاخ اهداني ثلجا معقول وعملي و واقعي ولو انه صعب لكن الضربه اللي ما تقتلك تقويك

روح ..
إنتي تجينا تشتكين منه..
وإحنا عارفين مدى تعبك ومدى معاناتك ..
وننصحك من أعماق قلوبنا ، مشاعرنا كلها صوبك .. والله مثل ماقالوا الأعضاء ننصحك كأخت مانرضى عليها بهالعيشة..
بس إنتي الله يهديك لما تشوفين الأعضاء ضده ترحمينه وتبتدين تشفقين عليه.. وهو مايستاهل الشفقة ..

هو ما راح يتغير .. انا مقتنعة بالشئ هذا ..

و خرجت الصك عشان احمي نفسي .. و أعطي نفسي فرصة اكبر باتخاذ القرار
و الاستفادة من وجوده في خدمة الاولاد و مصالحهم ..

كان يشتغل بمدينة تانية .. ما اشوفه غير مرة بالأسبوع ..
كان الشي هذا مريح لي نفسيا .. حتى ابني لنفسي حياة جديدة بعيدة عنه ..
بنيت حياة و نظام و وفرت الاستقرار لي و لأولادي ..
و وجوده بعيد عني ساعدني اني أداوي الجروح قدر المستطاع .. و نوعا ما ..

6 اشهر اقل شي .. هو بعيد ..
يجي مثل الضيف .. يخلص كل أشغالنا و يرجع يسافر ..
يعطيني 1200 مصروف الاولاد و الباقي ماعرف فين يصرفه ..

تعبت اني شايلة كل شي .. و نفس الوقت تعلمت أمور كثيرة ..

تعودت اني ممكن استغنى عنه باي لحظة .. بس كان يغيب عننا 7 ايام و بعدين يجي ..
و بعدين رجع و استقر عندنا ( قبل شهر - 33 يوم بالضبط ) ..

عشان كذا .. قبل الشهر هذا ..
كنت مرتاحة نفسيا .. لكن تعبانة جسديا بسبب مسءولية الاولاد ..
و ما فتحت اي موضوع عن زوجي ..

كنت مرتاحة و علاقتي كويسة مع اولادي ..
بس كنّا على تواصل بشكل يومي انا و ابوهم بالجوال ..

.
.

جاء عندنا قبل شهر ..

الشهر هذا انا تلخبطت ..
ابغى أتخلص منه .. بس مافي سبب قوي ..
يكذب .. يمثل .. لكن اكاذيب صغيرة بحجة انه عشان لا تزعلي ..

المهم عندي ( انه مستمر يكذب .. انه يصلي عشان ما يزعلني ..
انه بيمشي مع شلة جديدة و كل ما كان يدخل في شلة .. يعني مصيبة جديدة .. )

هل راح احاول أغيره !؟
فقط راح اجبره انه يمشي على نظامي لو يبغانا .. لكن مو معناها انه هو تغير ..
اقرب فرصة .. بيرجع لعاداته ..

طيب ايش المطلوب !؟
المطلوب اني ( انا الي اتغير ) ..

و ما اخلي وجوده او غيابه يأثر فيا .. و لا اصدق اي شي يقوله ..
أعامله بشكل رسمي .. بشخصيتي الي اتعامل بها مع الجميع ..
و عشان كذا لازم أتناسى وجوده ..

.
.

مثال :
زمان كنت اتعامل مع اهلي .. بقلبي .. لاني احبهم ..
و جاتني مشاكل ..

عاملتهم بشخصيتي الي اتعامل بها مع الجميع ..
تصلحت علاقتي مع اهلي ..

و ما تصلحت علاقتي بهم ..
غير لما جيت كتبت هنا .. و فيه ناس دخلت تتفلسف علي و تجاهلتهم ..
استفدت من نصايح العضوات و الأعضاء .. و عرفت كيف استفيد من النصائح

.
.

انا ماني جاية افضفض ..
جالسة اقفل كل الأبواب و الثغرات الي زوجي يقدر يأثر بها علي ..

.
.

انا مشترية كتب من جرير .. وصل مجموع أسعارهم 1000 ريال
و مرة وصل 800 .. كلها عن تنمية الذات و كيف أتناسى وجوده ..
و كيف اعتبر وجوده - محطة - .. و ما أخليه جزء مني ..

و هو ما بدا يتصلح .. غير لما شاف انه كلامه الحلو و الرومانسي وووو الخ
ما يجيب نتيجة معايا مثل زمان .. و فعلا ما اتأثر بكلامه دحين ابدا ..

.
.

ابغى اشيله من بالي ..

زوجي ما راح يتعدل غير لو عاملته ..
بنفس طريقة تعاملي مع الآخرين في محيط العمل و علاقاتي ..

كلامك كللللله كله خلاصته كلمتين :
( ماراح يتغير ) ..
إنتي مقتنعة وإحنا مقتنعين ..

كيف اقطع عرق و اسيحه.!؟

بعثتي انا جالسة احارب عشانها ..
أتحمل ذل الشغالات .. و ضغوطات العمل عشان البعثة

الأعضاء خلوني انتبه فعلا انه اخوي مو مضمون ذهابه معايا ..
افتكرت المواقف السابقة ..

هما كويسين دحين لاني ابتعدت و خليت علاقتي بهم بحدود ..
و ما باطلب منهم اي شي ..

قدام عيوني كم وحدة أنهت بعثتها بسبب عدم وجود محرم ..
وحدة وقفت الدكتوراة و باقي لها سنة .. عشان اخوها رفض يستمر معاها بالغربة و الملحقية رجعتها

باقي لي شوية و احصل على قبول .. و ابدا إجراءات الابتعاث ..
اولادي أعمارهم مناسبة حاليا للسفر و الابتعاث .. و ابغاهم يدرسوا و يتعلموا برة ..

.
.

لازم اشيله من بالي و انشغل بالأهم ..
و هو السعي خلف أوراق البعثة ..

هذا القرار توصلت له من ردود الأعضاء .. من كتابتي للموضوع
الصك ورقة رابحة في يدي .. لا أهدد بها ابدا .. مثل ما نصحتني فاكهة

جالسة أسعى و اتعلَّم من النصائح ..
ماني جالسة العب ..

جالسة باتغير ..

من يوم استشارتي لفاكهة و لأبو حكيم ..
مر شهر كامل .. تغيرت أمور كثيرة

و استفدت من نصائحهم ..
عقلي اقتنع تماما بامور كثيرة ..

و هذه كانت اهم خطوة ..
( عقلي يقتنع ) ..

.
.

قلبي .. راح اقدر عليه بالارادة ..
و باسعى قدر المستطاع ..

وجوده ضروري جدا عشان البعثة ..
اقتنعت بالشئ هذا .. مافي حل بديل ..

اها فهمت عليكي
كذا كويس كﻻمك

هذا من يومين وش تغير
طلع من التوقيف

ماني قادرة اتحكم بقلبي - بعض المرات -
ما بأدافع عنه ..

بس فيه ردود راحت لبعيد
و على بالهم انه مستمر بعلاقات و انا ساكتة عنه و متحملة و صابرة

وضحت لهم انه الشي هذا خط احمر نهائي مافي اي لعب فيه عندي
انا ما بادافع عنه ..

الرجال خايف انه يخسرنا .. و يجلس يلف و يدور ..
اللف و الدوران تعبوني ..

احاول عالاقل أوصل لحل يريح نفسيتي ..

جالس يجرب هو يدخل لي من اي باب ..
عشان يسيطير علي مثل زمان .. لكن انا باقفل الأبواب كلها ..

.
.

في الأخير ..
انا بشر .. انا امرأة .. ماني جماد ..

اتأثر و مهما حاولت اظهر له العكس ..

ماني مختلفة عن العالم ..
حتى لو ما أظهرت له ..

هل انا مرتاحة كذا !
هل راح ارتاح مع شخص اخر غيره !؟

للاسف ( لا )

ممكن أتجاهل نفسي ..

طيب و اولادي !؟

بعثتي و اولادي حاليا هما اهم شي ..
و الي عايشه عشانه ..

يمكن لو كبروا اولادي شوي ..
بتتبدل الامور للافضل !

مانعرف ايش ربي كاتب ..

لكن انا حاليا ..

اتاثر غصب بتصرفات الرجل هذا ..
و ابغى ابعد تاثيره عني ..

.
.

لو انفصلت عنه .. متاكدة بسهولة راح اقدر أنساه و أعيش حياتي ..
لكن هو عايش معانا و ابعد تاثيره علي !؟

و رضيت او ما رضيت ..
وجوده اقتنعت انه ضروري للبعثة ..

عادت حساباتها من جديد ورتبت افكارها واولوياتها وهذا شي طيب