رد : رايكم في تجارة سبايك الذهب
رجعت لك
شوفي اميره العقار افضل بكثير .. واضمن واريح ..
ولو مصره على تجارة الذهب ..
فياليت تكون السنه هذي لك كتجربه في السوق .. لتعرفي اسراره .. سلبياته .. ايجابياته ..
ابدأي مثلاً تشتري جنيهات قليله .. او مشغولات ذهب .. مثل اللي يسموها (غوايش)
لانها تصنع غالباً من انقى الذهب .. وتحاولي تبيعي اذا نزل في يوم يكون مكسب حلو لك ..
وفرصه تتعرفي على تلاعب بعض اصحاب الذهب ..
*والافضل والارخص سبايك الذهب عيار 24 من محلات الجمله في البطحاء لو كنت في الرياض ..
مافيه مصنعيه .. بس يزيد حق الختم .. وممكن يقسم لك السبيكه لجرامات تناسبك ..
و كلما تكبر يكون اوفر ..
السوق مو سهل واصحاب محلات الذهب والصاغه مو سهلين ايضا..
ولو ما كنتِ ملمه بهذي التجاره ككل .. يمكن تخسري او يكون ربحك قليل ..
هناك اساسيات .. هناك قوانين .. هناك فقه شراء الذهب وبيعه .. '
هناك ارتباط بين الذهب والدولار وسوق عالمي يتحكم في نزوله وطلعوه .. وغيره وغيره
ضروري تكوني على علم فيها ..
من ابسط الاساسيات ،، اللي الغالبيه تجهلها ..
انه ضروري حتى لو بتشتري سلسال .. يكون عندك خلفيه .. عشان اصحاب
محلات الذهب ما يغشوك ويخدعوك ،.
*اي قطعة ذهب ..
_ لها وزن ؛ ويعني كم جرام من الذهب ..
_لها عيار ؛ وكل عيار له سعره ..اذاكان 24 او 21 او 18 او غيره ..
_معرفة سعر الجرام لليوم ..
وللتأكد تكون له دمغه على القطعه .. مربع صغير مكتوب فيه رقم عيار القطعه ..
*فنضرب سعر العيار لليوم x عدد الجرامات = الناتج + المصنعيه و حق الختم ..
* المصنعيه ؛ تختلف بحسب الاضافه من احجار كريمه وشغل دقيق ..
فالالماس اعلى مصنعيه ..والغالبيه يخدع فيها ..
ويضع مصنعيه على كيفه ولا يقول مو مصنع محلي ..!
كتبت فقط ما اعرف ..
اتمنى افدتك حبيبه ..
وبالتوفيق لك ..
__________________
التعديل الأخير تم بواسطة شقـردية ; 18-03-2015 الساعة 12:22 PM
18-03-2015, 12:18 PM
ضوابط المشاركة
العرض الشجري