عضو المنتدى الفخري [ وسام العطاء الماسي ]
تاريخ التسجيل: Jul 2014
المشاركات: 2,301
رد: على وشك ولادة، وأريد مساعدة أخوية منكنّ :
بالنسبه للاعشاب عزيزتي
مو شرط انك تلتزمي فيها ، بالنسبه لي مهمه وضروري
لاان الاهتمام من الخارج بجرح النفاس ماينفع ، لازم الرحم ينظف من الداخل
انا بكتبها لك وهي نفس الي اطبقه اثناء نفاسي ، واطلع من النفاس ميه بالميه
حتي بطن ياربي لك الحمد مافيه ، الكل يستغرب ، بالرغم من انه فيه ناس تقول لاتاخذي اعشاب
ولاتلعبي بنفسك ، بس دام عارفه الاعشاب ومامنها ضرر ، ان شاء الله ماتضر
وتري انا جربتها مرتين هالاعشاب ، بكل نفاس لي التزم فيها
علي الريق من اول يوم بالنفاس
تطحني ( كوب حلبه - كوب حبة سمراء -فنجان شمر -ملعقه كبيره قرنفل ) تطحن مع بعض ناعم وتاخذيها ع الريق كسفوف او لهوم ، مع كوب حليب دافي محلي بالعسل
الفطور
كوب تمر في قدر مع ملعقة زبده او سمن ويوضع معها ملعقة رشاد غير مطحون ،
او عصيدة تمر ع الافطار الي هي :
كوب تمر بدون نوئ + 4 اكواب ماء بالخلاط يضاف لها كوب دقيق اسمر وعلي النار تحرك حتي تصبح كالباشميل ، ويضاف لها ملعقة فلفل اسود + رشاد حب ،
بعد الفطور :
نشرب شاي الاعشاب 3 ملاعق كبيره علي 3 اكواب ماء وتغلي ، وتنحط بترمس وتشربي منها علي فترات طول اليوم مكونه من :
( كيلو ميراميه + كوب اعواد شيح + كوب ونص كمون + قليل من قشر القهوه + كوب نانخه + كوب قرفه + كوب ينسون )
طبعآ هالاعشاب غير مطحون تحطيها بحافظها كبيره وتخلطيها وتسوي منها لك شاي
بعد الغداء بربع ساعه منقوع بكوب ماء وسط او صغير
( ملعقة كبيره عنزروت + ملعقة صغيره مره + شوي محلب ) واشربي منها
فترة العصر ، وبعد الغداء بثلاث ساعات ، اشربي شاي الاعشاب مع 2 ملعقة كبيره من السفوف
وتستمري علي هالنظام
الايام الاخيره ال 20 نفس النظام بس السفوف يختلف ،
( كوب حبة سوداء + ملعقه كبيره قرنفل + ملعقة كبيره قرفة + ملعقة كبيره فلفل اسود + ملعقه صغيره محلب + ملعقه كبيره نانخه + فنجان شمر + فنجان رشاد )
جميع المكونات تطحن الا الرشاد مع الاستمرار علي التمر والرشاد والزبده لاانه ينظف الارحام ويجليها جلي
تستمري علي منقوع العنزروت بس تزيدي المحلب والعنزروت وتزيدي عليهم شوي ( صبر )
كبو الهواء في ال 20 يوم الاخيره :
( خوجوا + مره + كمون + محلب + قشر بصل من البيت + هدب اثل + فلفل هوا )
تحطيهم ببرطمان وتخلطيهم مع بعض ، وتتبخري فيهم من تحت بتشوفي كيف السوائل تنقط وتنزل بشكل مو طبيعي
التحاميل :
استخدميها كل يوم من اول يوم الولاده او يوم وراء يوم
( ملعقه كبيره مره مطحونه + فنجان ملح خشن + ملعقه كبيره محلب مطحون )
تعجينيهم بعسل لين تصير متماسكه اقرب للقسوه وتشكليها كور صغيره زي حجم وشكل نوي التمر وتخليها تنشف بالشمس 3 ايام وبعدين تستخدميها كتحاميل ، تسحب كل الوسخ والسوائل من الرحم وتشد وتعطي رائحة حلوه
انا صراحه مااستخدمها اول ايام الولاده اخاف مرررره المس هالمنطقه
الغسول ، كل يوم او يومين تتشطفي بمغطس
ارطا + ماء + ملح خشن
انا ايام الدوره اطبق شاء الاعشاب والتحاميل ، بعد الطهاره استخدم الكبو
عزيزتي سقيا :
الفلفل الاسود يساعد على خروج الهواء
وينظف الرحم ويمنع التقلصات ويساعد على شد المنطقه ونظافتها ويدفي الرحم والجسم ويطرد الغازات
انا الي الان استخدمه ، احط ملعقه متوسطه فلفل اسود علي كوب حليب ،
حبيبتي هذا الي اعرفه والي انا جربته علي نفسي والحمدلله اطلع من نفاسي مزبوطه، لك تاخذي منه ، او تكتفي فقط بالقرفه والحلبه ،
الله يقومك بالسلامه يارب
31-03-2015, 08:14 PM
ضوابط المشاركة
العرض الشجري