ليتك يوم دخلتي الغرفة سويتي نفسك منتي شايفه شي واكتفيتي بالدعاء له في ظهر الغيب وحسن التبعل له لأن صدقيني المواجهة في هذي الأمور غير مجدية أبداااا.. أولا ماراح يترك العادة والخرابيط عشان عيونك (لازم هو يكون مقتنع بحرمتها وضررها).. ثانيا خليتيه صغييير وفي موضع محرج فكان لابد منه أنه يتخذ موقف عشان يرجع هيبته قدامك حتى لو اضطر الى تكذيبك وقلب الطاولة عليكي (لا تحلمي انه يعتذر لأنه الآن حريص على أنه يحافظ على كبريائه ويظهر انه على حق وانتي غلطانه وأسأتي الظن فيه)

نصيحتي لك جاريه.. سوي نفسك مصدقته وبيني له انك ماكنتي تقصدين الكلام اللي قلتيه وانك واثقة فيه بس أحيانا الشكوك والوساوس تلعب براسك

خليه يستعيد هيبته وثقتك فيه.. صدقيني بهالشكل راح يتحسن كثير لأنه راح يجتهد في انه "يحافظ" على هالثقة لكن لو بينتي له انك مو واثقة فيه راح يعاند ويسوي اللي في راسه وقدامك كمان وكأنه يقول "هي خاربة خاربة"

وبالنسبة لسؤالك هل تصارحين أخوك بالموضوع.. انتببببهي لا تجيبين سيرة لأحد لا أهلك ولا غيرهم

خلي الموضوع بينك وبين زوجك وبس

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا