اقتباس:
المشاركة الأصلية كتبت بواسطة مهره
عيشي يختي عيشي. 
أقول ميموميا .. عطيني فكرة عن خططج الأربعينية. |
يا حبي اذا ربي كتبلي عمر
من هلئ عم جهز نفسي الحمدلله اولاد واكتفيت تلاتة بيكفوا الله يطعم كل مشتهي
والحمدلله عم يكبروا وبلشت لاقي وقت لنفسي
من هلئ لسبع سنين بصير عمري 40 اذا الله راد وكتبلنا عمر وما حدا بيعرف شو مخبى لبكرة بس الامل والتفاؤل ببكرة حلو
فوقت كون صرت اربعين وابني الكبير 17وبنتي الصغيرة 12يعني بقدر اتركهن كم يوم وروح انا وزوجي رحلة راس براس
بقدر اتركهن بالليل ونتمشى باخر الليل للفجر سوا
نسهر سوا
نروح عالسينما بالليل سوا(لانو انا بغربة فبيتقيد ببعض الاشياء بالليل كرمال الاولاد
فأبعد مشوار بروحه بالليل انا وزوجي مطعم حد البيت وما بنتأخر )
عيش وكأني عزبا مع اني ابتديت من هلئ
جدد شبابي بالمرح والفرفشة والدلع وحب نفسي لابعد الحدود
مارس هوايات اندفنت
اعمل شي وحقق اشيا بحبها
عيش كأني مزوجة وعزبا بنفس الوقت
ما في مسؤولية تقيدني
حتى اطفالي روح اسهر انا وياهن كانهم اصحابي
شاركهن شبابهن احلامهن
انا بقول لكل ام ولادها كبروا
انطلقي بالحياة مش تقول كبرت وما بعرف شو
بالعكس ما عاد في مسؤولية اطفال وتدريس وطبخ ونفخ
الكل كبر والكل صار مسؤول فإجا الوقت لتقول انا عايشة عم اتنفس حرية
تحس نفسها خلقت من اول وجديد تعمل كل شي بتحبه
وما يعملها العمر او انقطاع الدورة احباط وتفوت بدوامة سن اليأس
بالعكس وقت تروح الدورة راح الخوف من الحمل واتباعه
وامووور كتير بحب بوقتها بتجي لوحدها من دون تخطيط ولا ترتيب
08-04-2015, 12:07 AM
ضوابط المشاركة
العرض الشجري