الله يجمع شملكم ويهدي سركم ويصلح حالكم

كيف كنت تحمر العين ، كيف كان اسلوبك ؟

ملاحظه ان ولدكم الكبير مضغوط بينكم وصاير مرسول بينكم


حاول ما تدخله بينكم وتجنبه يكون حلقة الوصل .. شي متعب لنفسيته وبيحس بعدم الاستقرار


وما عاش طفولته مثل بقية الاطفال

__________________
وهل من مصير اخر ؟

زوجتك مالها علاج عقله طفولي اذا شديت تعدلت واذا ارخيت شفت العجائب

ياخساره عمرك الي بتضيعه ع سالفه طليقتك

انت رجال والنعم فيك احسم امرك والرجال كلمه ومثل ماطلقتها طلعها من حياتك نهائي

والحياة حلو وبتمشي بدونه وبتنبسط بس انت اعزم امرك كثر الكلام للحريم

__________________
سبحان الله وبحمده

لا يروح بالج بعيد يا اختي
تحميير العين اقصد فيه الحزم في الأمور الهامه
بعد الطلاق عشيتني في اوهام خلتني أتنازل عن شغلات وايد
وصل الحال ان الضرب والكذب والتشهير بالمحاكم كله نسبته لابوها وأنها مالها شغل والكلام طلع مو صحيح. ضربتني مع اهل امها ( المتوفيه ) وصارت هوشه كبيره معاهم واتقول مالي شغل. حتى اهلي قالولي ميخالف طوف لها البنت مضغوطه وتعبانه و سفرها السنه الي فاتت 40 ولا حتى حثت الاولاد يتواصلون معاي وغيره وغيره وغيره
انا اعترف ان سكوتي تفسر ضعف واستغلت هالشي للأسف
بس الحمدلله الشي الوحيد الي جنيته بعد كل هالضرب ان اولادي يميلولي اكثر منها لأنهم شافوا شكثر كنت متحمل وساكت وشافوا حثي لهم بالتواصل مع امهم حتى واهما معاي.

الولد الكبير هو الوسيط والسبب ان دخول اي طرف ثاني بيسبب معركه وعناد وتلقي أوامر. جربت أحط وسيط وللاسف نقل الكلام قاعد يوصل بصيغة امر واصلا هالوسيط مل وحسيت ب احراج ووقفت هالشي.
مثل منتوا شايفين الولد ينقل كلام عادي مثل السفر وغيره. مافي شغلات حساسه بس اهي مستغله هالشي ونقلت كلام لجس النبض وللعلم لا زالت مستمره بسؤال الاولاد " شنو بابا قال عني هالأسبوع ؟ " وانا امطنش.

الجمله الاولى بالصميم يا اختي
ينعم اب حالج يا اختي
الأفضل انها انغير اسلوبها لان اولادها بدوا يطفشون
تخيلي اختي
ولدي الكبير يقولي يبا شرايك انقسم عطلة الصيف 3 ايام عندك و 3 ايام عند امي. حتى السفر مع امهم قالوا لها 2-3 أسابيع كافي. اولادي كشوا من اهل امها بعد الهوشه الكبيره الي حصلت واهي اتحاول أتقرب اولادي منهم بس الحمدلله اولادي رافضين

لاتحكم على كل بنات بلدك من تجربتك لمرأه واحده
اصابع يدك مو سوا
وبالعكس الي يتزوجون اجانب كثيير من الي حولي يكون زواجه مصيره الفشل

هلا اختي
انا لما قلت الأجنبيه كنت اقصد هل نفس المرأه الخليجيه بعد؟
يا اتحمر العين يا تقلب عليك؟

بالخليج تحمير العين توجه عام للرجال ومن زمان مو توه

نصيحة
اذا اردت الارتباط بغير جنسيتك
فخذها مولودة و متربية ببلدك
وهدا بيكون اقرب بالافكار وتقبل العادات والتقاليد والتدين
بحكي من واقع تجارب

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

بالنسبة للبتقول زواج من غير نفس الجنسية فاشل
اخطأتي اختي
فكما ان اصابع يدك في بنات البلد ليست واحدة
ايضا زوجات من غير نفس الجنسية ليست واحدة
امامي ما يقارب اكثر من 10 تجارب من اقارب ومعارف
ماشاء الله من انجح الزوجات وافضل ايضا من زوجات نفس الجنسية

تبقى الصعوبة في بعض الاحيان بالغيرة المفرطة من اخوات الزوج فقط
اما بقية الامور فالحمد لله غاية بالنجاح

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

تحديث سريع
طليقتي صارت تسأل الولد الكبير " بابا شنو قال ؟ " بعد كل مكالمه بيني وبينه ( يعني كل يوم لأَنِّي يوميا اكلمه ). في السابق كان السؤال يقتصر بعد عودتهم من عندي بعد الويك ايند.

رايكم ؟