زيدي عليهم

المبسوطة جداً مع زوجها تقولك الزواج نكد وهم وتحضر لكي امثلة واقعية من حياتها ولكن لاتذكر الجانب الاخر عشان لاتجيها عين

وغير المبسوطة مع زوجها تقولك انها مبسوطة عشان لاتتشمتي عليها او انها تحس اقل من غيرها

طبعاً واضح ومن البديهي ان كلامي ماينطبق على كل البشر

ماتعرف ﻻي مدى ممكن توصل المبالغات

وأضيف المتزوجة التي تصور الزواج للعازبات أنه جهنم وشقاء والرجال مافيهم خير وكلهم خونة وانانيون
وتوصيهم ألا يتزوجوا لأنه نكد وهم وغم
وتوصيهم ان يعيشوا حياتهم والعزوبية حرية ووووو
وفي الليل هي في حضن زوجها تضحك

حسنا سؤال مدامت الزواج هو هكذا : لماذا مازلتي متزوجة؟ تطلقي لترتاحي وتعودي لحياة العزوبية

مو بس كذا
لو عندها اخت ولا بنت غير متزوجه تنهبل الا تزوجها
طيب دامك تنصحين خليهم مرتاحات
بس تدرين الغبيه الي تصدق وترفض بس عشان ما تعيش ماسي الي حولها
حتى لو كان الزواج تعب كل شي ماعب بالحياه
الزواج رزق

يمكن من باب انها تهون عليها عدم زواجها وتحسسها ان الزواج مب كل حاجة .. بس اخطأت في التعبير ..

وممكن على حسب ظروفها الوقتية ونفسيتها وقت الكلام .. انا كثير تجيني أيام اقول ياليتني ماتزوجت .. واتخيل نفسي لسى عزباء واقول وشفيه بيت ابوي اجلس فيه طول عمري ليش لا ولا هم ونكد وغثا الزوج .. في هذا الوقت لو اشوف قدامي عزباء بقول لها والله يا حظك ماتزوجتي وخلك كذا لا هم زوج ولا غثاه ..

وسؤالك ليش مازلتي متزوجة تطلقي وارتاحي .. ياحبيبتي الزواج ورطة ..زي الحفرة تطيحي بسهولة وتطلعي بصعوبة .. وكثير عوامل تجبرنا نتحمل الوضع ونحاول نتعايش معاه ونتصنع السعادة . اهم هالعوامل الابناء ..

..............

............" وللا ما أتوقع فيه وحده مبسوطة مع زوجها وتنصح البنات بعدم الزواج !!!

وان حصل ذلك ممكن يكون من باب جبر الخواطر ومواساة المتأخرات والمطلقات مثل ماقالت أم الدانة مش من باب ابعادهم وصرفهم عن الزواج!! ومع ذلك اذا جاء وقت الجد والبنت تقدم لها خاطب مستحيل أن فيه وحده بكامل قواها العقلية تنصحها بعدم الزواج لمجرد أن الزواج غم وهم!!

بالنسبة لي أحن كثيييير لأيام العزوبية وأشوف أن مشاكل الغير متزوجات (هذا اذا كان عندهم مشاكل أصلا) تهون كثيييييير عن مشاكل المتزوجات بس رأيي هذا أحتفظ فيه لنفسي لأني لو قلته لوحده غير متزوجة ماراح تصدقني وماراح تقتنع أبداااا وما ألومها لأن التجربة خير برهان.. عشان كذا أتجنب النقاش في هذا الموضوع قدر الإمكان

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا