اخي الكريم ..موضوع الانجاب لاتيأس وخذ بالاسباب مو عشان زوجتك لا عشان نفسك اكثر من الاستغفار وكثرة الصدقة ولو بريال لو حالتك ماتسمح .. مره قرأت عن وحده زوجها ماكان عنده حيوانات اصلا عددها صفر واستعملوا خلطة كان من فيها عسل اظن وحملت الزوجة بعد فترة ابحث في النت اكيد في ناس مروا بنفس المشكلة ..


بخصوص زوجتك : زوجتك من حقها بالخلفه ماختلفنا ماتبغى تكمل معاك وتشوف لها نصيب تاني برضو من حقها ماقلنا شي ولكن اخي الفاضل زوجتك انسانه مزاجية وقاسية لاتعرف احترام الزوج واحترام اهله لاتراعي مشاعر الغير ولا تعبك عشانها غير قنوعه بس هذا استنتجته انا من خلال حديثك ..

اسمح لي اخي انت انسان شخصيتك ضعيفه قدام زوجتك حبك لها وخوفك من فقدانها خلتك تنسى كرامتك وتسمح لها تهينك وتهين الشخصين الي تعبوا وكبروك ووصلوك للي انت فيه بيتك هذا الي هيا تنتقص فيه ع الوحه والجايه كبرت فيه انت .. زوجتك تتهمك بالكذب والخداعونت ساكت مني عارفه كيف تقول عنها حنونه فوق كل هذا ..

اخوي نصيحه وقف زوجتك عند حدها وخليها تعرف وتلزم حدودها احترامها لك شي الزامي عليها مشكلتكم راح تستمر حتى لو زوجتك انجبت وراح تجي تشتكي من مشاكل تانية لو ماغيرت طريقة تعاملك مها اعرف متى ترخي وتشد وماتعدي لها كل زله هيا عارفه وحاسه بخوفك انها تسيبك وريها انه ولا همك لو قالت لك الشهر الجاي نشوف عادي قلها ماتفرق معاي راح الاقي وحده تقبل فيني بوضعي الحالي عالج مشكلتك من الجذور عشان ترتاح مستقبلا .. لاتحسبني احرضك عليها لا والله اتمنى لها الخير بس المشكلة في تعاملك فعدل من نفسك .. والله يسهل امورك