مدري صراحة ايش اقولك مالنا غير الدعاء
شغل قران لما تنام وخلي بالك معه ولاتفكر بالماضي ابدا ولاتروح للسرير الا وانت خلاص على حافة النوم واطلع روح الكورنيش او الممشى سو رياضة فيه وتعلم اشياء جديده ثقف نفسك بنفسك اقرا كتب وانصحك بكتاب عظماء بلا مدارس فكر بالمستقبل لاترجع لوراء انسى انسى او تناسى اي احد تحسه خطر على حياتك ويجيب لك الضيم اشطب عليه وابوك حاول ماتدخل نقاشات معه يعني كلمة ورد غطاها ... روح عند امك واشك لها حالك مافي نفس الام راح تتقبلك بصدر رحب وتساعدك لاتستحي منها ابدا ابدا ... كون لك صداقات من على النت تعرف عليهم .... انضم لفريق تطوعي وصدقني بتصير لك صداقات وغير كذا النفسيه حتتغير مجرد ماتسوي خير بالاعمال ذي .... واذا رجعت الجامعه لاتكون دراسه وبس لا سو مشاريع شبابيه فيها بتنجح صدقني ... وبالاخير احس خوالك مسببين قلق لحياتك فنصيحه ابتعد عنهم قدر المستطاع والله يعينك