السلام عليكم ورحمة الله

غبت فترة ورجعت لكم بتطورات

طبعاً المحروس أبو بنتي مافكر يسأل ولا شئ

بس الحمد لله أهلي مو مقصرين معها يموتون فيها ماشاء الله تبارك الله

لاكن تقدم لي واحد عنده عيال وزوجته ماعاد تقدر تجيب لأنها جاب تهم بعملية قيصرية ويبغى عيال
عمره في ال 40
محتارة أفكر في البنت
انا ابغاها معاي ماقدر اخليها لأمي وأبوي يربونها وهي صغيرة مالها إلا شهرين

واحيان اقول ابغى الخبر يوصل لطليقي يمكن يغار ويقول برجعها

مع أن واحد ماحس ببنته كيف ب يحس ويغار

ملخبطه مو فرحانه أخاف يكون الزواج ذا تأديب لزوجته



وش رأيكم شورو علي

فكري زين واستخيري
يمكن في الزواج خيره

انتي ادرى بمصلحتكي وبمصلحة البنت

واذا كان غرضك من الزواج اشعال غيرة الطليق فلا تتزوجي احسن لك

الرجال مو سائل عنك ليه شاغلة بالك فيه ؟

أهم شي ما يكون زواجك انتي مجرد تأديب لطليقك

لا تقدمي على الزواج الا وانتي مقتنعه وواثقه ان بنتك راح تكون معك وماراح ياخذها أبوها بعدين

والله يكتب لك اللي فيه الخير

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

بنتك بحاجتك في هالعمر الحساس أكثر من حاجة هالخاطب للعيال !!

وبالأخير .. القرار لك .. هاذي حياتك وإنتي أدرى فيها

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

ﻻ ترمي حالك بالتهلكة
اصبري شوي وربي بنتك وانبسطي معها
انت لسه صغيره بالعمر
اعطي حالك فرصه
وﻻ تستعجلي
وارتاحي شوي قبل ﻻ تقرري
الله يفرجها عليك امين

__________________
انا لله وانا اليه راجعون

مع هذا الرد

انا مدري عن اسباب طلاقك ولكن اذا كانت الاسباب لاتستاهل وكل واحد اخذ موقف من الثاني
وانتي مكبرة راسك وهو مكبر راسة وكل واحد فيكم ينتظر الاخر يتصل والضحية هالبنية
اقولها لك وبالفم المليان اتصلي على طليقك وحاولي فية برجوع قبل انتها العدة اذا رفض
فانتي عملتي المحاولة الاخير وماقصرتي وابريتي ذمتك لو عشان هالصغيرة

__________________
سبحان الله وبحمده سبحان الله العظيم

للأمانة أحس بكون قاسية ومجنونة لو وافقت أتزوج ذلحين وبنتي عمرها بس شهرين
حرام اذا أبوها قاسي قلبه أخلي قلبي قاسي وارميها وروح أتزوج واعيش حياتي
لو عمرها سنة سنتين ممكن أتزوج


بس الي حولي يظنون لو رفضت انه معناته إني انتظر طليقي يرجع لي
مع العلم أنه خلاص والله ماعاد يعني لي شئ حتى لما اشوف صورة كأني اشوف صورة إنسان ماعرفه

واحيان اقول يمكن ذا الزوج عوض من ربي


ملخبطة وبنتي تحزني صغيره واتركها واعيش حياتي أحس صعبة

خلصت عدتي وحاولت فيه أكثر من مرة ذليت نفسي له وهو مكبر راسه