وش أكتب وش أخلي ،

بس ع العموم باعطيكم هالموقف السريع


مرة كنت راجع من الشغل في أول أيام زواجي

وهلكان جوع وتعب

دخلت سلمت ورحت على طول "للمروش" (آخذ دش)

طلعت وجلست بالصالة كالعادة أنتظر المدام تجي وتقولي الغدا يا عمري


ما جت


رحت أدور عليها إلا قالت لي:


معليش حبيبي اليوم تعبت ولا قدرت أسوي لك غدا


قلت لها خير عمري ولا يهمك ،

وأسحب التلفون

إلا قالت لي وش بتسوي


قلت لها باطلب غدا


قالت يعني ما زعلت مني؟


قلت لها أنا الحين جايع خليني آكل بعدين أشوف إذا بازعل أو لا


قالت لي ما فيه داعي تتصل


أنا مسوية الغدا وكل شي جاهز


بس حبيت ألعب معك شوي

__________________