ي عالم احد يصدق وحده متزوجة وتجي بيت زوجها
حتى ملابسها ما علقتها ورتبتها في الدولاب !!!
والله كانت حاطتها في كراتين صغيرة و حاطه الكراتين في الدولاب
يعني معقولة ؟ ! والله من تصرفاتها كأنها مخططه لكل شيء والله آعلم
حسبي الله ونعم الوكيل فيها .
و كانت مبسوطة هي بطول فترة الملكة لأن اخوي مره يعطيها بالهبل بدون حساب
اخوي مره والله عنده استعداد يخلص الراتب في يوم واحد
احنا زعلانين ما بان فيها والله .. و بالعكس احنا كنا دايم نقول لأخوي خرجها ومشيها ودلعها هذي عروسة
والله مره كنا مبسوطين فيها وكنا نبغاها تصير مننا وفينا
لكن هي من اول يوم جات عندنا ودخلت العمارة بان وجهها
كانت طالعه من الدرج وشافت امي عند الباب حتى ما سلمت عليها
عملت نفسها ما شافتها !

هي مخططة انها ما تجلس ببيتكم
لكن مش مخططة للطلاق و الفرار
بس اخوك ما جى على مزاجها بحماقتها
وصار اللي صار

الله يعوضه

__________________

ايوه هذا الواضح من تصرفاتها والله تبغى تستفيد وتبغي احد يصرف عليها وهي عند أهلها
وعلى فكرة هي عندها أخت تانية مرتين كانت مملكة بعد العقد يعني ومرتين تفسخ العقد والله آعلم ايش السبب
احنا ما سألنا عنهم ابدا .
وهما اصلا متمسكين في اخويه يبغونه لأنه طيب مره
وعلى فكرة ايام الملكة كانت تقول لأخويه اترك وظيفتك الحكومية وتعال توظف في أي شركة عندنا
يعني عند منطقة اهلها !
و اهلها طول فترة الملكة 9 شهور ولا عمرها امها اتصلت تسلم على امي
ولا يسألوا وكانوا بس يتواصلوا مع اخويه حتى امها تتصل وتكلم اخويه
وماعمرها كلمت امي
كلامها الأم ام البنت واخواتها كل شيء يتفقوا مع اخويه
والله ولا كأنه عنده أهل
حتى بخصوص الفرح أي شيء يتصلوا على اخويه
يعني مره كانوا يحسبوا ان الولد مقطوع من شجرة
حسبي الله عليهم .

هي كانت ايام الملكة تقول لأخويه انا ابغى اسافر لوحدي مع صحباتي تسمح لي ولا لا ؟
طبعا اخويه رفض احنا ماعندنا بنت تسافر لوحدها ممع صحباتها
وكانت تقوله لمن انت تروح العمل انا ابغاك توديني عند صحبتي انام عندها ولمن ترجع تأخذني
ولا كانت تبغى تجلس في البيت مع انها عروسة ماكملت اسبوع
مع اننا والله العظيم مره ما تدخلنا فيها ولا في حياتها
ومره ايام الملكة كمان كلمت اخويه
قالت له انه عندها وحده من صحباتها مسكوها الشرطة مع رجال
تقوله تعرف احد يخرجها من الشرطة
!!! تخيلوا والله ماهي صاحية مو طبيعيه البنت
اصلا ما سألنا عنها وهذا الغلط اللي طحنا فيه .

اتوقع تبغى تستفيد من الضمان الاجتماعي في حريم كثير يسو كذا يتزوجوا بنية الطلاق علشان الضمان سمعت قصص كثير

لا ما كتشف شيء أكيد انها بتكون قمة في الأخلاق معاه
ايش كانت تبغى اكثر يصرف عليها ويحول لها فلوس بالهبل وهي عند اهلها لازم تكون اخلاقها عاليه قدامه
آمين يارب ربي يعوضه يارب وينصره عليها هي وأهلها
حسبي الله ونعم الوكيل فيهم .

ليه كم يعطونهم الضمان؟؟؟
وكيف حالة اسرتها المادية؟؟

__________________

يمكن
وفعلا كثير الأن سمعنا قصص البنت ماتجلس اسبوع الا وتتطلق وتقول للولد ما ابغاك بدون سبب مقنع
الله لايبلانا .

الضمان يعطي 1000 ريال كل شهر

ماادري والله كم بالضبط
وحالة اهلها تقريبا متوسطة يعني مو فقراء
ساكنين في بيت ملك وعندهم كم عقار تاني
بس هما يعملوا نفسهم مره مساكين والله وانهم ماعندهم شيء
حتى وقت الجلسة كان يقول ابوها للشيخ انا حالتي المادية ضعيفه وماعندي من فين اجيب لكم حق المهر
حسبي الله ونعم الوكيل فيهم .