اختي شو الفرق بين المتزوجات وغير المتزوجات كلهن واحد
وعزيزتي ليش هالنظرة التشاؤمية على نفسك
بعدك باول حياتك وكلك شباب الله يحميكي
اللي ببين عليها صغيرة لو وصلت للستين بتبين صغيرة
ولازم تفرح بهالشي لانو نعمة من رب العالمين
عندي اعز صديقة عمرها 34ما مزوجة ما احد بشوفها الا ما بقول بال18والكل بينصدم بعمرها
لانو ماشاءالله جسمها وشكلها ولبسها ما معطيبنها حتى عمر العشرينات
وعندي صديقة بالاربعينات رح تصير تيتا ماشاءالله عليها ما مبينة انها مزوجة وحتى ما بتعمل شي لتبين صغيرة او مكياج بس لبسها وبساطته واختيار الالوان بتبين بالعشرينات او التلاتين بس كلها شباب الله يحميها
فحتى لو وصل عمرك للاربعين لازم تضلك شباب من داخلك قبل خارجك
لانو عمر الاربعين عز انوثة المرأة وخاصة اذا بتهتم بنفسها من رياضة واكل صحي وترفيه عن النفس وتحب نفسها
وبعمره ما كان العمر الو دور لاختيار الوان الاسود والرمادي
حتى بنت 18بتلبسهن بس بطريقة بتليق لعمرها
الحلو نعرف كيف نختار التصميم مع اللون
لانو نفس اللون ولو كان احمر بيختلف بالتصميم من عمر 18وبين عمر سبعين

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه