المشاركة الأصلية كتبت بواسطة ام مريمي

قاعدتي هي ،،، زوجك يستاهل ؟ والنعم فيه؟ يبان فيه الخير ؟ اذن يستحق كل مساعدتك واحذري المن! ... اذا بتعطينه معناه لازم تنسي انك اعطيتيه وما تتذكري هالموضوع مع كل مشكلة تصادفكم ... يعني المشكلة بوادي وتجي سالفة الفلوس معاها واللي هي بوادي ثاااني ...

دام كلشي بيكون باسمك من ارض وبيت اذن مافي خوف و ايضا اقولك اذا تحسين نفسك عند اي مشكلة راح تتذكري هالامور لانها جد تخليك تنفرين من زوجك او تحسيه قليل همه من ناحية المال في حين انه مو بيده هالشي اذن انصحك بعدم البناء وتصبرين الى ان يجي فرج رب العالمين ..

حبيبتي الحياة تعاون ، ودام انها موجوده لاتحرمي نفسك وزوجك وابناءك مستقبلا من هالنعمة واستمتعي وطنشي باقي الامور ... طبعا كل هذا اذا كان زوجك رجل ونعم الرجل ويستحق التضحية ... هالشي انتي الاعلم والاعرف به .. تعرفين شخصيته ، وتفكيره ، وهل يستحق الثقة ام لا ...

ربي يالف بين قلوبكم ويسخركم لبعض ان شاء الله ،،،