بونجور يا سكاكر.
.
.
.
منو كانت تسأل عن دخول أهل الزوج بيتها وهي مب موجودة؟


مثل ما قلت لكم أمس أنا طلعت الصبح .. وزوجة أخو زوجي يت تزور أمي (أم زوجي للي مش واخدة بالها )

المهم .. قبل ما أرجع البيت أمي اتصلت فيني تقول لي: سامحينا يا أم سلطان ترانا دخلنا بيتج .. عشان أراوي فلانة صالتج.

والسالفة إن أخو زوجي ناوي يبني بيت بإذن الله .. وهو كان شايف بيتي طبعاً .. ويبدو إنه قال لزوجته عن بعض التفاصيل فهي حبّت تشوف ديزاين الصالة عندي .. تمهيداً لوضع التصميم الداخلي لبيتهم.

قلت لأمي: عادي يمه .. بيتج ومكانج .. الباب مفتوح وترومين تدخلين أي وقت.

قالت: لا ما يصير .. إنتي راعية البيت ولازم نخبرج.

مع إنها والله لو ما قالت لي ما كنت بازعل.

مع العلم زوجي ما كان موجود والبيت ما كان فيه إلا بنتي شما اللي كانت نايمة في غرفتها.




أنا ممكن أفهم إن الزوجة تزعل لما حد يدخل ينبّش في بيتها وهي مب موجودة.

لكن زيارة عادية ليش تزعّلها؟!!

__________________


اللهم طِيبَ الأثر .. وحُسْنَ الرحيل.

ماشاء الله عليك مهره الله يمطيك على قد نيتك وكويس استاذنو منك وهم لهم حاجه يبغو يتفرجو لكن انا مالهم حاجه
انا اللي قهرني علاقتي فيهم جدا رسميه وزيارات نادره لهم
لازوجي ولا هم احترمو خصوصيتي أو على الأقل استاذنو مني بالصدفه ادري

يعتمد يا حبيبتي .. هم دخلوا البيت شو يسوون؟

زيارة لولدهم مثلاً؟ .. كان عندهم مشوار جنبكم ومروا يرتاحون أو يسلمون مثلاً .. جلسوا باحترامهم؟ .. راعوا خصوصيتج وما دخلوا غرفة النوم ولا تعبثوا في أغراضج وأغراض البيت؟


بغض النظر عن كونج رسمية معاهم .. ما يصير نعامل الأهل مثل ما نعامل الأغراب.

من حقج تزعلين لو دخلوا البيت حاسوه لج .. أو كانوا فضوليين يدورون في البيت يشوفون شو فيه وشو ما فيه.

لكن الزيارة من حيث المبدأ ما ينفع تقولين المفروض يستأذنون .. خاصةً لو ما كانت بينكم سوابق توحي بأن طبعهم شين أو إنهم راعين حركات.






الحين شوك بتهاوشني.

__________________


اللهم طِيبَ الأثر .. وحُسْنَ الرحيل.