الكائن اللي محسوب علي زوج ماعنده استعداد يناقش
يغلط ويطنش ويجهز لسفرته ماكأن عنده زوجه
وانا واصله حدي من كل تصرفاته معي
خصوصا وانا حاسه نفسي مو متزوجه
يطري علي احيانا اعوض الجفاف اللي بحياتي
لو عن طريق مكالمات مع واحد يحتويني ويتغزل فيني
بدون زنا ولا لمس.. خصوصا اني مرزوعه بالبيت طول الوقت
بعدين استغفر واتعوذ من ابليس وافكر ببنتي
وارجع لدوامه القهر والحرماااااااااااان
الله يلطف بحالي

الله اكبر يا كنافة

متعاطفة معك لسبب واحد انك مو قادرة تفهمين
اما مشكلتك فلها الف طريقة والف حل
وحياتك ممكن تكون من اروع ما يكون

الله يهون عليك حملك .. ويقومك بالسلامة ويصلح حالك

انا اعترف اني انفعاليه ودقيقه ببعض الامور
ودايما احط كرامتي وكبريائي قبل كل شي
حتى لو على حساب نفسي وبنتي وبيتي
لكن تعز علي نفسي جدا اذا انهت او تبهذلت
ما اقبلها ابدا من زوج او غيره
ومستعده ابيع العشره بلحظه اذا حسيت باهانه

اللي حصل الان
زوجي لبس وتعطر عشان يطلع
ناديته وقلت له ممكن تجلس
جلس
قلت له: انا ممكن اتحمل اي شي منك الا الغلط على اخواني!!
قال: بهذي انا غلطان واسف
قلت: اتمنى اهلي خارج اي نقاش بينا لانهم خط احمر
قال: للمره الثانيه اسف.. والاعتذار رجوله مني
قلت له: الرجوله الحقيقيه انك ماتهين نسايبك تحت اي ظرف
قال بعصبيه وصوت عالي: للمره المليون اسف!! خلصتي!!
وجلس يبرر باني ياما قارنته باخواني وكلام اهبل
قلت له: يعني لازم اناديك حتى تعتذر عن اهانه اهلي؟
قال: لو ماجرحتيني كان جيت لحد عندك
قلت: جرحتك بايش؟
قال: بردك هديتي (يقصد الفلوس) ومقارنتك لي بصاحبي!!

طبعا كلامه بالنسبه لي جدا تافه
علقت عليه بكلمتين وانه اساء الظن
وسألته اذا بيسافر؟
قال: اكيد انا حاجز ورحلتي بكرا
قلت له: توقعت تلغي السفره اللي ماوراها خير بدليل اللي صار
وقلت له اني ما ابغاه يسافر خصوصا بعد الجفاء اللي بينا
قال: بالعكس فرصه نبعد عن بعض ونشتاق لبعض!!
قلت له عن شكوكي ومخاوفي وغيرتي
عصب واتهمني انو تفكيري وسخ
وقال: واحد غيري بيكذب على زوجته ويقول رايح عمره.. بس انا صريح معك


خلاصه الموضوع
هو جلس يبربر ويتهمني اني مستكثره عليه الوناسه
وان انا تعمدت انكد عليه قبل السفر
وكان صوته جدا عالي ومعصب وهو يتكلم
ويقول مو معقوله بكل سفره مع اصحابي تنكدي علي
ويقول لو انتي مو حامل كان اخذتك باريس او لندن زي العام الماضي
واتهمني اني اتأثر بكلام صديقاتي (غير صحيح ابدا)
واتهمني اني اقارن نفسي فيه (غير صحيح ابدا)
واتهمني اني ما افكر الا بنفسي (غير صحيح ابدا)
مارديت عليه
بعدين هو سكت وهدى فجأه
وقال: انا رايح مشوار قصير وراجع.. اذا رجعت ابغى اشوف مزاجك غير
وسأل اذا ابغى شي من برا.. قلت: لا
وطلع