عندي ملاحظه على نقطه صغيرونه بشخصيتك حبيبتي كنافه ..دايما احسك متمسكه برايك واحساسك بدليل كل حل يحطونه الاعضاء لازم تحطين فيه عله وتسدينها عليهم..حاولي تبعدين نظرتك اكثر شوي عن التمسك بالراي وتلينين راسك حبتين يمكن هذا اللي محسس زوجك بالنفور..مابي تزعلين كنافه بس يمكن هالنقطه تفيدك وانا استشفيتها من ردودك القديمه والجديده

بالعكس مايزعل كلامك
انا اعترف اني عنيده شوي
لكن ألين بالاسلوب الحلو.. اكره الشده
واحيانا اكابر لمجرد ان الاسلوب ماكان جيد
حتى مع زوجي واهلي اعمل كذا
وهذي وحده من عيوبي

اختي بقولك جملة واحدة وبس (عاملي زوجك كطفلك المدلل) والله راح تاخذين كل اللي تبينه منه.. وأكثري من مدحه وتذكيره أنه مو مقصر عليكم بشي .. واذا عمل لك شي اشكريه وادعي له .. احتوي زوجك يحتويك ..( كوني له أمة يكن لك عبدا) ..أنسي موضوع الكرامة بينكما .. ألا تعلمين أنكما روح في جسدين ..

أصلح الله شأنك وأصلح مابينكما ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..