فضفض اخوي
نحن هنا لا نعرفك ولا نعرف زوجتك

اخي استخير في امر الرجعة (( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ))
الله يفرج همك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يفرج همك لكن ضع للصلح باب لمصلحه أطفالك حتى لا يعيشوا مشتتين بينكم كل شى يهون الا الخيانه

الي انا اعرفه ان المرأه اذا طلبت الطلاق بسبب مشكله مو معناتها انها تبيه بذاته لا انما ممكن قصدها تبين لك وش كثر زعلانه وبتشوف قدرها عندك وهل انت فعلا متمسك فيها او لا
ومن رايي استخر ربك بترجيعها واسعى لذلك من خسران شي بالعكس يمكن تلقاها ندمت وتتمنى ترجعلك
وان رجعتها خلاص سامحها واطوو صفحة الماضي

اخي ألزم الأستغفار فقط يعني كل يوم في أي وقت أي مكان أي زمان فقط أستغفر رطب لسانك بقول الله ووالله أمرك ينصلح فقط أستغفر ترى ساهل وفوائده عجييبه والله ومشكلتك راح تنتهي لو أستمريت تستغفر

هلا اخوي
سبحان الله. في الفتره الاخيره راد عدد المطلقين الي زعلانين عل فراق زوجاتهم مهما كان السبب. عكس السابق ان حصل الطلاق يقوم الرجل بالضرب في نفسية المرأه ويتزوج عل طول علشان يحرق دمها....الخ

انا نفس حالتك ياخوي كنت متزوج 11 سنه وتوني كملت سنه ونصف طلاق وايضاً عيزت اطرح عل نفسي الاسئله وماني لاقي اجابه. خلال فترة الطلاق قمت اتابع وابحث في النت والمنتدى و برامج التلفزيون عل طبيعة المرأه بشكل عام واكتشفت شغلات ما كنت منتبه لها أولها ان المرأه ( وللاسف ) حكمها اغلب المرات يكون بالعاطفة وهذا واحد من اهم الأسباب ان السيطره عل الأمور لازم يكون في ايد الرجل. زوجاتنا متشابهين كما كثير من الزوجات. طلب الطلاق وبقوه رغم التحذير من خطورة الطلاق بعدها يبلش الندم والهم.

انصحك الحين بالهدوء ولا تتخذ اي قرار او تصرف. التوقيت الحالي صعب وممكن اي شي يولع الموضوع زياده حاول اتسافر اسبوعين او ثلاثة

يا ليت لو تعطينا نبذه عن الي صار معاك

ربي يفرج همك استخير بأرجاعها

حقيقه مره ومنتشره جدا
اذكر قبل شهر لما كنت اناقش اخت طليقتي ذكرت لي ان ابوها ما كان يبيني اطلق انصدمت صراحه. اذكر ابوها لما كلم أبوي كان دايما يقوله " ولدك متى يطلق ؟ ". هل هذا نوع من الاستفزاز لاختبار اذا كنت ابي زوجتي ولا لا.

ايضا اتذكر لما قالي ابوها انها ما تبي اتكلمني ولا تبيني خلاص وسكر الخط. بعدها فقدت أعصابي وحسيت انها باعتني ورميت أغراضها بره الغرفه وطلبت تاخذهم. بعد 3 أشهر من الطلاق اكتشفت ان ابوها قالها ان ( بكل بساطه ) ان شد معاي بالكلام وان هالكلام كلامه مو كلامها اصلا.

حتى لما رحت اطلق بالمحكمه بكت وأبوها رفض الحضور لان تعب كثير

للأسف الاهل ساعات يكونون احد اكبر أسباب الدمار

هو فعلا ممكن قصدهم انك تبين غلاها واستعدادك للتغير
مو تصدق وتطلق
لان الطلاق ربي حطه بعصمة الرجل ليش
لانه اكثر تعقل في الغالب
فالمفروض يجي القرار منك مو منهم
لان هم لو فعلا يبون الطلاق يروحو للمحكمه ويخلعو
مو بس يجلسو يتكلمو
بالنهايه القرار قرارك وحدك والله يكتب لك الخيره
لكن حاول ترجعها اذا هي فعلا تبيك بترجع
واذا رفضت ان شاء الله خيره لك

ما ودي نطلع عن موضوع اخونا راعي الموضوع بس صدقيني التهديد في هالشغلات محد يتحمله وخطأ كبير جدا. وللعلم انا ما طلقت من كلام ابوها. طلقت بعد ما قالتلي اني اذا ما طلقت راح اتخلي المحامي يطلقني منها. هذي الشعره التي قصمت ظهر البعير.

صدقيني يا اختي ما راح اتحسين فيها لانج مرأة