مرحبا حبيبتي والله فقدتك كثير اذا كنتي فاكرتني 😊😊☺️
الله يعوضك بالاحسن في كل شي بحياتك ويسعدك دنيا واخرة ❤️❤️
انا اتزوجت من شخص من نفس منطقتي في مكة ومن عآئلة مختلفه
( زواج تقليدي تم بحمدالله ) ...
اللي اكتشفته انو من يوم شوفتي الشرعيه
زوجة اخوه اللي هي ( سلفتي ) كانت جالسه بشعرررررها وبكامل اناقتها
انا وماما استغربنا 🙉🙉
وسارت الشبكة ونفس الشي حتى مالبست طرحة تغطي شعرها ...
بعدين اتزوجت واكتشفت انهم اخوانو عاااادي عندهم ويضلو داخلين وخارجين وانا وهي بشعورنا وكامل اناقتنا
انا صراااااحة مررررة اضايقت والين يومك دا مر سنتين وعلى هذا الحال !!!!!
فجاة اكون جالسه اشوف اخوه اللي في سني يدخل ويسلم ويتكلم وعاادي
بصراااحة قبل لايكون عيب ترى والله حرام
وتخيلي لمن صارحتو اكتر من مرة يقول احنا كذا !!!
وهادول اخواني يعتبروكي زي اختهم
وخلاص من كتر ما سرت اتضايق من دا الوضع ماسرت احب انزل تحت كتير
بحكم اني ساكنة بنفس العمارة ...
والله لو يرجع بي الزمن ماكان وافقت على هادي الجيزة نهائياً
والحمدلله على كل حال لان هذا الوضع مايعجبني مرة

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟