رد: كوفي شوب الصبايا 2 ( المشاركة للنساء فقط
يوم السبت زوجة خال زوجي يابت عيالها عندنا.
كلمتني: طالعين على المول واليهال ما يبون يروحون .. وقالوا ودّونا عند سلطان ومهرة! ... تعّبوني هالعيال أبداً ما يبون يطلعون معانا!!
قلت لها: ما عليه .. هاتيهم .. وأساساً عيالي يسألون عنهم بعد.
هالكلام كان العصر .. ورجعت خذَتهم الساعة 11 المسا!!
حكيت لأمي وأخت زوجي .. وأنا مستنكرة سالفة إن عيالهم ما صاروا يحبون يطلعون معاهم!
فأخت زوجي السوسة استنتجت: تقص عليج .. هي ما تبا تاخذهم معاها وتلصق السالفة فيهم!!
في الحقيقة مب مشكلتي سواءً كانت صادقة أو لا .. وأنا للأمانة محسنة فيها الظن لأن ولدي حاول يسوي نفس الحركة في يوم من الأيام .. وولد الجيران يسوي نفس الحركة مع أمه.
لكن سالفة إن العيال يمشّون كلامهم على أهلهم بهالطريقة ما تعجبني.
وأنا ما أسهّر عيالي في الإجازة .. حدّهم تسع أو تسع ونص ولازم ينامون .. بعدها خلاص أحس بتشبّع وما عندي استعداد أتحمل حَشْرة اليهال .. وأكون محتاجة فعلاً للهدوء .... وهي إذا يابت عيالها ما ترجع تاخذهم إلا عقب الـ 10,30.. وكم مرة يت خذتهم قريب الـ 12!!
في المقابل أنا عمري ما وديت عيالي عندهم خلال الأسبوع .. دايماً أوديهم يوم جمعة إذا ما كانوا عيالهم طالعين .. ودايماً أروح آخذهم في حدود الـ 9,30 .. أو الـ 10 كحد أقصى.
والحين الإجازة بدت .. وهالموقف راح يتكرر أكيد.
عشان جذي قررت .. ما في لعب أو زيارات خلال الأسبوع .... وزوجي أيّد قراري طبعاً.
__________________
اللهم طِيبَ الأثر .. وحُسْنَ الرحيل.
08-06-2015, 10:45 AM
ضوابط المشاركة
العرض الشجري