عندي لك حلين وكل حل يعاكس الثاني ..بس انت خوذي اللي يناسبك
ببدأ بالاول واشوف تعليقك بعدين اكتب الثاني

زوجك من خلال مواضيعك ومشاركاتك يحب حب ماشاء الله تبارك الله ..اقدر اقول عنه عشق

وهذا ينافي النظريه النسائيه السائده ان الرجل اذا عشق زوجته وحبها حب شديد مستحيل يتزوج عليها ..
رغبة الرجل بالتجديد شئ وعشقه لزوجته شئ

زوجك يتالم من داخل قلبه لحزنك ..نفسه يشيل هالالم والحزن اللي فيك
بس مايعرف يعبر ولا يحتوي
هو منقهر من نفسه لانه سبب كل الامك واحزانك
حاول باللي يقدر عليه لدرجة ان باس رجولك
ولدرجة انه كتب البيت باسمك
والافعال اللي سواها لعيونك واللي ماكتبتيها هنا

كلها تثبت شئ واحد يحبك ومتألم ومقهور من فعلته
سوى كل اللي يقدر عليه علشان يشيل هالحزن عنك بس كل هالافعال مانفعك وصابته بالاحباط لدرجة ان يزعل ويهاوش لانه مقهور داخل نفسه

ولو عادت الايام ورجعت الايام لورا مافكر يتزوج عليك بس هذا قضا وقدر

وصدقيني تصرفاته معك ..تصرفات واحد يعيش باحباط مايدري وش يسوي
مرة يهاوش مره يهجر مره يكتم

طيب كل هالاشياء اللي سواها وكل هالحب اللي بقلبه والالم اللي يعانيه تبعا لمعاناتك والافعال اللي سواها لعيونك ماتشفع لك ولاتغفر له زواجه عليك

ليه كل هالضيقه ؟؟
ليه كل هالحزن ؟؟
وصدقيني انا ماقولها لك مجردة
انا اعرف احساسك والمك

قلب زوجك بين يدينك ..
قلبه معك ان حزنتي حزن ..وان فرحتي فرح

كل هالاشياء اللي سواها زوجك لعيونك وكل هالعشق لك
مايغفر له فعلته ؟
اتمنى اسمع جوابك على سؤالي