والله وقفوها عند حدها و أعطوها في وجهها

أمكم راح تزعل هي و اخوك يومين
ثلاثة
أسبوع
شهر

بس بالاخير ترتاحوا و مصيرها أمكم ترضى و اخوك كمان يرضى مصيره
و هي تعرف حدودها

بجد قهرتني و صايرة قليلة أدب

سكتنا له ..
دخل بحماره .. ينطبق عليها المثل هذا بجد

ليش مفترضين إن أخوكم بيزعل منكم إذا كلمتوه عن تصرفات زوجته؟!


أخوكم عايش معاكم عمر .. عارف أطباعكم وأسلوب حياتكم .. اللي المفروض إنه نفس أسلوب الحياة اللي هو تربى عليه.

بالتالي لما تشرحون له بعض مواقف زوجته غالباً راح يتفهم كلامكم .. وراح يصدقكم لأنه صار عارف طبع زوجته وأسلوبها .... يعني ما راح يعتقد إنكم تتبلون عليها مثلاً.


ومب بالضرورة يروح يتهاوش معاها عشانكم .. ولا هذا هو المطلوب منه .. لكن على الأقل يمسكها شوي عنكم.

لأن زوجته فعلاً مب معقولة أبداً!!



كلمو أخوكم وقولو له إنكم عارفين إن زوجته طيبة وعلى نياتها .. لكنكم قررتو تلجأون له لأنكم مب حابين تصعدون الموقف بينكم وبينها .. ومب حابين تحصل مشاكل أو نفسيات تعبانة أو قلوب شايلة .. عشان جذي تتمنون إنه يتدخل بطريقة حكيمة وموزونة ما تخلي حد يزعل من حد .. ولا حد يثقّل على حد.

هو ممكن يحل الموضوع بطريقة ما بدون حتى ما يضطر يكلم زوجته صراحةً عن ضيقكم من تصرفاتها.

__________________


اللهم طِيبَ الأثر .. وحُسْنَ الرحيل.

معقول انها تسوي كل هذا ومو حاسة بنفسها؟ 😶

__________________

اختلافي عنك لا يعني اختلافي معك

ما ادري والله ،
نحن حتى مستغربين (=
يارب القى جواب يارب

صح ، لكن حالياً ظروف اخوي للشغل طول الاسبوع برا و ما يرجع الا ويك اند يومين ،
و على هالحال لمدة 9 شهور ، فيوم يرجع ما يشوف كل اللي يصير ،
و يكون ولهان على ولده فما نحب نخرب عليه هاليومين اللي يقضيهم ف البيت او مع اصحابه و عشان اذا رجع شغله ما يتم باله مشغول ، فقررنا نحن نتصرف ..


للأسف انها اخرجت اسوأ شي فينا ، ما توقعنا ف يوم اننا بنعامل حد بهالاسلوب او نشل ف قلبنا عى حد ، الله يسامحها جد يعني كرهتني حتى ف نفسي

صح كلامك والله ، و بدينا انا و اختي نطبق هالشي ،
و لاحظت ان زوجة اخوي ما تكلمني مثل قبل ،
لكن لازالت تتدخل و تغير و تقرر و تخررررب و تعذب امي مع ولدها ترميه و تروح ،
واحيانا ترميه و هي اصلا موجوده ف بيتنا بس جالسه ف غرفتها ف الملحق !

و خلاص اللي يزعل يزعل لان بجد وصلنا لمرحله ما كنا متوقعين ف يوم نوصلها