السلام عليكم ورحمة الله وبركاته
كل عام وانتم وجميع المسلمين والمسلمات بخير

انا جايكم اليوم بطرح مشكلتي وان شاءالله الاقي الحل السليم عندكم

انا متزوج حديثاً
و ساكن بنفس عمارة أهلي ولكن بشقه ومدخل منفصل

أهلي من عاداتهم أنهم في السابق كانوا دائماً في رمضان يفطرون عند جدي اللي هو أبو والدي

وهم يرغبون اني اكون مثلهم
ولكن المشكلة انه زوجتي ماهي حابة هذه الفكرة بسبب كثرة المشاكل والحساسيات اللي تصير لأن أمي الله يهديها تدقق على كل صغيرة وكبيرة وتوتر بسرعه ويسير مشاكل وفعلاً هذا اللي صار بعد يومين او ثلاث

وبسبب كثرة المشاكل زوجتي رافضة فكرة ان كل يوم ننزل نفطر معهم
تقولي كل كم يوم نفطر معهم مرة ومرات ثانيه ننزل بعد التراويح نسهر معهم


ايش رايكم بالموضوع
وهل اعتبر عاق لوالدي إذا ماسويت اللي بخاطرهم
مع العلم ان امس افطرت لحالي مع اهلي وزعلت مني زوجتي واليوم أفطرت مع زوجتي وأهلي زعلوا

حاول تقنعها
وبعد الفطور مباشره امشو
واسهل لها ما تطبخ الا طبق او طبقين

اسمعني وانا اختك .. لا تظلم زوجتك عشان خاطر اهلك ... و لا تقصر في اهلك عشان خاطر زوجتك و هذي النصيحة خلها معك دوم و على طول و في كل المواضيع قدام ... ترا محد بيوقف معك في ارض الحساب غير نفسك لا تقول رب هذي امي او ذي زوجتي كلهم بيتبرون منك ...

ودامك حديثا متزوج فاعرف بارك الله فيك ان الرسمية من اليوم بين زوجتك و اهلك دامهم بالحساسية الشديدة ذي بتقيك كثير من المشاكل مستقبلا و لو كثرت الانتقادات او المقارنات او الملاحظات خلك حقاني و مع الحق دائما ...'

زوجتك كلامها صحيح و ما اشوف فيه مبالغه او تقصير او غلط .. ب كذيه عطيت اهلك حقهم و عطيتها حقك و ابريت ذمتك قدام رب العالمين ...اخوي ابدا لا تجيب علوم حياتك و تحركاتك او هداياك او حتى مشاكلك قدام اهلك ابدا ابدا اجعل حياتك الشخصيه صندوق يخصك اتقاء للمشاكل قدام .. اسمح لي توسعت في الكلام بس عشان أوضح لك الفكرة بشكل اكبر .. دمت ب ود

__________________