نفس كلام الناس عن ولدي

صرت اخاف وافكر لو صار او صار

والاغلب يقول لاتحضنيه لاتبوسيه
لاتعوديه على اللبس الحلو يتعود يكون دلوع

ولدي فعلا فيه جمال كانه بنت

واي مكان نوديه يسالونا مثلا. كم عمرها اقولهم ولد
اذا رحنا المستشفى وادخل العياده يسالني الطبيب تشتكي من ايش الحلوه
اقول هذا ولد
رحنا لوحده من اقاربنا قالت كيف بنيتك قلت ولد ياخاله

امي واخي اخبروني انه ولدي يشبه البنات التركيات

لبسته بالشتاء لبس شتوي واخواني طلبوا صوره
ارسلتها لهم
اخوي يقول وربي كانه بنت تركيه

بدات اقلق جدااا اخاف

صرت اقول لزوجي خذه معك الاستراحه
خليه يتعود ع جلسات الرجال

اخوي مره عصب ع ولدي وكان عمره سنه
ضربه ضرب انا من خوفي ماقدرت اشيله وابعده عنه

وقبل فتره حصلته يبي يضربه
بالرغم اخوي عمره 25

كبير
وسويت مشكله كبييره

بس ابوي قال لي اي ولد وسيم بيكون له عدوات حاذري ع ولدك

وكلامك زاد من قلقي

وحده نصحتني

قبل لاتطلعين خذي الفحم وشخبطي ع وجه ولدك

وقالت مو شرط شخبطه كثيره

بس المهم تخرب ملامحه

أختي ملكه أبغى اقلك ثلاثة نصائح

النصيحة ألاولى إذا كان شعر ولدك طويل احلقيه عشان العين و الحسد و عشان تثبت صورته الذكورية

النصيحة الثانية اجعليه يحتك في والده قدر الإمكان عشان يأخذ من طبعه الرجولي

النصيحة الثالثة و الأهم ولدك الله يحفظه و يخليه لك إذا وصل عمره 6 سنوات علميه و حصنيه من التحرش الجنسي

في مقاطع في اليوتيوب كرتونية تعلم الطفل كيف يحمي نفسه من التحرش الجنسي

يا أختي أصبحنا في غابة

الكبير يستغل جهل الصغير

والشين يطمع في الزين

هناك قصص اغتصابات و تحرشات كثيره تدمي القلب حصلت لأطفال في المدارس و في الشارع

و احمي ولدك و حصنيه من القريب قبل البعيد

استودعي الله ولدك من التحرش و الاغتصاب و الشذوذ الذي لا تضيع ودائعه و أماناته

هو و جميع أطفال المسلمين

ملاحظة مهم جداً أرجوك لا تحرمين ولدك ابد من البوس و الحضن و الحنان

انا امي الله يسامحها و يحفظها و يخليها لي كانت تضربني و تهاوشني اكثر ما تحضني و تبوسيني

عمري الآن قرابة 27 سنه الى الآن لما أشوف ام تحضن ولدها أتمنى أكون مكانه

ولدك للحين يعتبر رضيع.. والفروقات بهالعمر مو كبيرة شكليا بين الجنسين

3 او 4 سنين بيخف الموضوع ان شاء الله

لا توسوسين يابنت مافي الا العافية باذن الله 💜

ارقيه وتوكلي على الله

توكلي على الله قلتها مرتين

لان المبالغة بالخوف من العين والحسد ينافي التوكل

اخوي الصغير كان كذا وماضره.. الحين عمره 8 سنوات وبين انه ولد حتى مع جماله

اذا سويتي اللي وصوك عليه هالناس بتهزين ثقته بنفسه انتبهي.. خليه يعيش واثق قانع ومبسوط بخلقته

عموما.. ايش دخل شكله بعلاقاته ومجالسه مع الرجال؟ 😶 لا تستعجلين توه صغير خل يعيش طفولته

__________________

اختلافي عنك لا يعني اختلافي معك

بالفعل ,,بعض الاهل هداهم الله ..يتركون شعر اولادهم طويل ...كانه عاجبهم احتيار الناس فيه ..احضني ابنك وقبليه فهو كاي طفل يحتاج للحنان ..لكن لا تتركين شعره طويل ولا تلبيسه لبس البنات او القريب منه ..

لا اعلم صراحه ان كان الرجل الوسيم محسود ..ربما هو يستطيع لفت الانتباه الى انجازه او نجاحه اكثر من الرجل العادي .. لذلك يحسد ..غير البنات او المراه ..المراه الجميله غالبا ما تكون مغبونه او محسوده وذلك لان الجمال اقرب للمراه من الرجل ومع طبيعه البنت من حيث الفطره على حب الزينه ..
الرجال عاده يكون الحسد بينهم على النجاح وليس على الوسامه

اختي ملكه الاحساس ، تعودي ترقين ابناء بالرقيه الشرعيه ، الرسول عليه الصلاة والسلام كان يحصن الحسن والحسين ، : اعذيكما بكلمات الله التامه ، من كل شيطان وهامه ومن كل عين لامه : ولم يحضر فحم او غيره .... جربي احضري ماء واحطيه في بخاخ ،واقرائي فيه المعوذتين ثلاث مرات وانفثي في الماء بعد كل سورة و آيه الكرسي ايضا بعدها بخي عليه من بعيد او ضعي الماء في راحه يدك وامسحي به وجهه وشعره وما تيسر ..بالصباح والمساء يعني وقت الفجر وقبل العصر.


واطمأني وارتاحي من التفكير او الخوف
هكذا تكوينن اخذت بالاسباب ، وتوكلت على الله
ومن توكل على الله كفاه
اما اذا سمعت كلام الناس ان لا تحضنيه ولا تقبليه تكونين حرمت ابنك من الحنان
وان جبت فحم وشخبطت على وجهه ، ما يدريك لعل لا يكفي ، وتكونين شوهتي جماله واتعبت نفسك

اريد ان اضيف ان سورة الفلق لا تحصن فقط من العين بل من الحسد بكل اشكاله سواء عدوات ، او مكر ..وغيره

شعره الى نهاية ظهره ودايم بهواش مع زوجي عشان يحلقه

اكره الولد. الي بشعر

انا مااخاف عليه من العين والحسد لاني احصنه واستودعه الله

اخواني الشباب يقولون ولدك لو تربى ع هذا النمط
بس انتي وابوه وتلبون طلباته ويجلس بحضنكم

بيصير دلوع

ويتربى انه دلوع

وهذا عند الشباب شي. غلط

وقالوا اخواني خليه يطلع يجلس مع رجال ويقعد معاهم

الحين ابوه ساعه بالعصر يطلعه ويروحون

ودخلته مدرسه عشان يتعلم البعد عني ويعتمد ع نفسه بيتعلم القوه و نوعا ما نكسر الدلع

افضل العادي على الوسيم

الحمدالله ماعانية من هالكره

__________________
سبحان الله وبحمده سبحان الله العظيم

ما ألُومهُم ,, أكيد وجهوا كُرههم للقيمات المعوقة اللي تسويها ,,

,,,,

__________________