معاك حق وان شالله بحاول انفذ اللي قلتوه مع انه اخوي حتى كلام ما يكلمنا الله يهديه عارفة انه يسوي هالشي عشاني وخايف علي اذا رجعت اني ما اكون مرتاحة بس انا حاسة انه زوجي تقريبا اتعظ من اللي صار لانه كان متوقع انه اهلي يرجعوني علطول بما انه المشكلة بسيطة بس اخاف يمل ويطلق عالعموم .. مشكورة اخت Malak357 والله يكتبلك كل خير ويسعدك يارب ..

الله يهديك دام المشكلة بسيطة من الاساس ليش دخلتي اهلك فيها وكبرتيها بروحتك لاهلك؟؟!!!

الله يفرج همك وترجعي لبيتك بس ياليتك تعتبرين من اللي صار ومايوصل شيء لاهلك عن بيتك وزوجك ومشاكلك معه الا اذا مافي حل الا تدخلهم..

الله يسخر زوجك واخوك وابوك لك يارب وتعدي المشكلة على خير...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اميييين يارب ادري والله بس الموضوع مو بايدي زوجي اللي اتصل على اخوي يجي ياخذني ومو اول مرة يقولي لمي اغراضك واطلعي من البيت بس كنت اقوله لا ما راح اطلع واكمل زعل بالبيت وعمري ما قلت لاهلي شي ابدا بس هذا المكتوب والحمدلله على كل حال وتسلميلي على هالدعوة والله يسمع منك يارب ويسعدك و يكتبلك الخير وين ماكان يارب

(مكانه الأنسب)

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

انا من رئيي تكوني انتي الوسيط لحل مشكلتك بنفسك ولو تستغربين شوي من هالفكره بس اعتقد انها تصلح معك
1-خلي زوجك يبتعد عن اهلك حاليا
2-لاتفتحي الموضوع معى والدك واهلك سوي نفسك انك نسيتي الموضوع من اساسه وانشغلي باي شي واذا حد فتح معاك الموضوع بالبيت قليله ان موضوعك بيد والدك والي يختاره والدك يصير
3-ذكرتي ان ابن خالك صديق زوجك ووالدك حاولي قدر الامكان تدخليه بالموضوع يمكن يكون هو همزة الوصل المفقوده حتى لو فشل لاتيأسي على الاقل بتعملي بالاسباب
طبعا تسوي كل ماذكرت سابقا وانتي مهتمه بوالدك ومركزه عليه وكل همك راحته وسوي له اي شي يخطر ببالك من الطاعات عشان تمهديه تدريجيا للمحاوله الرابعه
4-اطلبي من زوجك طلب اذا كان يحبك ان يقوم بالاعتذار من والدك بس في الوقت الي تحدديه انتي ادري انه صعب شوي بس لو استخدمتي اسلوب حوى راح يوافق لانك زوجته حبيبته وراح يضحي بالغالي والرخيص عشانك
5-راقبي والدك الين تشوفيه مستانس ومبسوط روحي لاعنده وامدحيه شوي وابتسمي له وكلميه وانفخي راسه بشوية كلام ويوم يبتسم لك ارمي نفسك بين ارجوله وبوسيهم وقليله يابابا انا بنتك من يمينك لشمالك راضيه بحكمك عليا اتا سبب المشاكل بيني وبين زوجي وانا الي جبت لك المشاكل معي للبيت سامحني يابابا وسامح زوجي وانا اخليه يجي يعتذر منك وكلنا بنغلط وصدقني يابابا ماراح اسامح نفسي ابدا لو كبرت المشكله ووصلت للطلاق لاني انا السبب ولوتنزلين معى هالكلام حواجب الرحمه وشويه دموع ياسلام سلم ابوك طبعا مافيها شي ولاتنسي ماتجيبين امك تحشرينه انتي وياها و صدقيني مايردك ابدا وراح يستسلم لك ولرغباتك وقتها اتصلي بزوجك واطلبي منه الحضور يعتذر لابوك ويطيب خاطره وشيلي زوجك بيدك واتكلي على الله البيت وكسبتي خير في نفسك وفي زوجك وتكفير لغلطتك لانك ذكرتي انك انتي السبب ومره ثانيه فكري قبل لاتتسرعي
انا عارف ان في ناس راح تقرى ردي وتضحك منه بس والله لو مكانك لاسويها وخصوصا ان قدرك حاليا علقه الله بيد والدك وفي الاخير انتي ماسويتي شي غلط وكله في مايرضي الله

__________________
تمنيت حبـاً يدوم طويـلاً .. فـدام الحب وَ رحل الحبيب.

يعطيك العافية اخوي وفعلا هذا اللي جا في بالي في بداية المشكله لاني كنت شايلة سالفة الكرامة بين الزوجين ولاني كنت انا الغلطانة واتصلت على زوجي واعتذرتله وتصالحنا (طبعا قبل الرسايل اللي ارسلها عن اهلي وفيها كلام اكبر بكثير من اللي كتبته بالموضوع ) وكلمت اهلي وكل شي تمام بس لما جا زوجي ما رضي يتفاهم وكان جاي واظنه متوقع انه اهلي يركبوني الغلط كله بس طبيعي ابوي ينبهه على اغلاطه بعد وهو ما عجبه الكلام وترك ابوي بنص الكلام وطلع وبعدها ارسلي هالرسايل وهالشي مو مخليني اقدر اتصل عليه احسها مررررة صعبة علي بس لو يعطيني طرف الخيط بس لو يتصل مو شرط يعتذر بس لو يبينلي انه لسة يبيني انا مستعدة اسوي كل اللي كتبته فوق واكثر بس الله يهديه .. وللعلم انا اعتذرت عن اخطائي وهو قبلها وطبعا غلطته الاخيرة اللي اكبر من اي غلط انا سويته مو راضي يتنازل بس شوي ويعترف بغلطه عالعموم فكرتك راح افكر فيها بشكل جدي بس يمكن اغير فيها شوي خصوصا انه موضوعي بعد الله بايد اخوي ليته بايد ابوي كان اسهل .. والحمدلله على كل حال
والله يسعدك ويكتبلك السعادة والراحة ياارب

اصبري بس مثل ماقلت لك لحين تهدء النفوس وصدقيني ان كل طرف بالموضوع عارف في داخل نفسه انه مكابر بس شوي وتتغير افكارهم وخصوصا الزوج واسئلينا احنا معشر الرجال نعاد ونكابر شوي ونراجع نفوسنا ونتراجع وزوجك راح يرجع لك انشاء الله اصلا مشكلتك ماهي كبيره لها الدرجه حتى لوغلطتي و زوجك حاليا في ناس كثير قاعدين يلوموه ليش سايبك ببيت اهلك عشان موضوع بسيط وبعدين حتى لوكان موضوعك معلق بيد اخوك مافي مشكله اخوك يعتبر من دمك ولحمك وشقيق ضهرك والكلمه الطيبه تكسر العود اليابس واتمنى من الله ان يهدي نفوسهم ويسخر لك زوجك ويجمعكم على خير

__________________
تمنيت حبـاً يدوم طويـلاً .. فـدام الحب وَ رحل الحبيب.