ياقلبي إنتي عارفة إن راتبك والفلوس والصرف مسائل حساسة بالنسبة لزوجك ..
ليه تقولين له بعطي أمي ؟؟ أعطيها بدون مايدري .. ووفري لنفسك بدون مايدري ..
استغرب منك .. إنتي عارفته وعارفة طبعه ومع ذلك ماتتجنبين الأمور اللي تسبب لك مشاكل منه .. كأنك متعمدة ..

قالي على كل حال ماراح ارضى حتى تعاهديني ان تنسين كلمة مالك دخل وان ماتتصرفين بدون شوري باي شي يخصك وانا مابغى منك شي الحمدلله راتبي يكفينا كل خوفي على ضعفك امامهم واستغلالهم لك مايكفي 12سنه ماطلعتي منها بشي بيلاحقونك حتى ببيت زوجك ما تلاحظين ان عطيتيهم بس الشهرين الماضيه حدود 5000 ريال انتي اولى فيها لان في اخوانك ماعليهم قاصر وعيب عليهم يدورن وراك وامك صارت مثل ابوي ياتعطيني او بزعل غلط.. رديت وقلت له هذي امي ومن باب البر اعطيها واخواني والله ماقد طلبو مني ولا ريال .. وترى الدولة وظفتني وتعطيني راتب لاني عاقلة واعرف وين احط راتبي وماأحد له وصايه علي .. قال خلاص خلي الدوله تزوجك دامها وظفتك وخلي اهلك ينفعونك وجهزي اغراضك بوديك لاهلك لان انتي ادميه بلا عقل غسلت يدي منك امرضتيني.. قلت ابشر بقول لاحد من اخواني يجي ياخذني .. قال الله يستر عليك ..

ما طلعت اخواني نايمين مااحد يرد علي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تعوذي من ابليس لا تطلعين ..
كلامه فيه شي من الصحة ..
إنتي اعطي الوالدة ولكن بحدود معقولة .. (من غير مايعرف زوجك)
مادام أخوانك يعطونها .. ألف في الشهر تكفي وتزيد .. البر ماله قيمة مادية ولكن قيمته معنوية ..
ولا تقولين له فلوسي ومالك دخل فيها .. حتى لو هو فعلا ماله دخل فيها ..
إنتقي عباراتك يا أختي ..

الله يهديك يااحبه اذا زوجك غلط مرا انتي غلطتي كذا مرا حتى بالحوار الاخير اخطيتي يوم قلتي مااحد له وصايه علي
تقصدينه يعني هو مسوي خايف عليك من استغلال اهلك
الظاهر انتي من النوع اللي يكب العفش كلو عند زوجك
اجلسي ببيتك وتعللللللللللللللللمي يااحبه وربي كثير نصحناك بس الله يهديك ماتتعلمين
ماالوم زوجك يوم يقول غسلت يدي منك معليش لاتزعلي بس جد نفس الأخطاء منك تتكرر..
لاتطلعين من البيت اجلسي وخليكي هاديه بيجي يعتذر كالعاده وبلللللللليزززززززز لاتكرري اخطائك..

__________________
(سيدة الموقف)
لم ننساك ونسأل الله ان تكوني أنتي وأولادك بخير

بصراحة وضع المرأة الموظفة غلط : )

وبما أنه وضعك غلط فـ المفروض أنك تعالجينه بإحتراف مو بدفاشة

لأن المرأة الموظفة هي (( ربع )) إمرأة في الحقيقة

فـ عندما يتزوج الرجل (( ربع )) إمرأة فإنه يتوقع التعويض سواء المادي أو غيره

فالعمل يستهلك جزء كبير من وقتها في اليوم بالإضافة إلي أنه يستهلك جزء كبير آخر في الراحة من العمل

يعني الوقت المخصص للزوج هو جزء ضئيل وربما ليس في اوقات تناسبه هو : )

ويمكن ما يقدر ياخذ اجازة ويستمتع معاها بدون ما ينسق مع عملها ويمكن ما تضبط : )

فـ كل رجل يتوقع التعويض في النهاية

مثال
شخصيا كنت سابقا أرفض المرأة الموظفة نهائيا

لأنني كنت أبي إمرأة وقتها كله ملكي

وحاليا لا أقبل إلا بموظفة

والسبب إني مو فاضي لها لوحدها وأبي شئ يشغلها

المشكلة ان بالعقد مشروط عليه من ضمن الشروط انه مايتدخل في راتبي أبد وإن راتبي لي لوحدي أحطه وين ماأحطه ..

والله إن أهلي ماعمرهم سألوني تعطين زوجك من راتبك .. بالعكس أمي دايم تنصحني اساعد زوجي اذا احتاج .. والله حتى أهلي مايعرفون كم برصيدي وما قد سألو ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الأهل غير عن الزوج في هالناحية ..
انتي مازلتي مصرة على رايك وماتشوفين نفسك غلطانة ..
انا اول مرة الصراحة اسمع بمثل هالشرط في العقد ..
ليه فكرتي فيه؟ هل كنتي تظنين من البداية انه طمعان براتبك؟
ام انت انسانة ماديةوعندك الفلوس فوق كل شي؟
انمنى تجاوبين بصراحة .. خلينا نمسك راس المشكلة ..

الوالد الله يرحمه هو اللي شارط هالشرط عشان يضمن راتبي مايتصرف فيه زوجي..

اذا قالك زوجك لاتتصرفي في راتبك الا بأذني وشوري وش بيكون ردك؟
ماعاد الا يقول باخذ الصرافة في جيبي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وفي ايش غلطانة ؟!!! فعلا ماله حق يتأمر علي في راتبي .. بقولها وبعيدها ماله حق في راتبي إن شاءالله أحرقه ماله حق ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أسفة وأعتذر عن المشاركة في موضوعك ..