ممكن ضيوف زوجك هم الي فارضين انفسهم عليه
وانه بيخليك عنداهلك حجه عشان ماينحرج منهم

اختي باهيه

هو هذا عذره اعرفه بيقول مافضيت اخذهم ومن قال بعيد هو جنبي بيتي مو بعيد عن بيت اهلي
بس هذا عذره كويس ماكلمه اخوي كان قال نفس العذر ااعرفه


مسز داني
لا ام زوجي طيبه مررره وتنحط عالجرح حتى لمن كلمتني حسيتها حزينه وتقول مالي نفس بالسحور بس قلت لها ترا المشكله صغيره وبيده هو يكبرها او يصغرها واذا اخذني مرااح اقول لا بالعكس برجع طبعا في نفسي حاطه براسي ان الحساب بيكون بيني و بينه لصرنا بالبيت


اخي بلدوزر
لمن دقت علي تقول ماعندها علم باي شي بس كل ماتصلت على ولدها وتسال عني يقلها عند اهلها وتقلي طالت المده وحسيت ان فيه شي
وعلمتها بكل شي حتى قلت لها شكله يبغاني انا ااي ارجع البيت
قالت لي لا يخسي هو الي وداك لاهلك هو الي يجيبك وقالت انا اوريه بكره بعد الفطور على اساس انه اليوم
طبعا هو كل شي عنده الى زعلها بار بامه
ومستحيل اقلها تقله يتصل باخوي لانه على اساس ان اخوي مايعرف قدامه اخوي قلي كذا على اني ماعرف شي
لان جلستك لها اسبوع انا بحاسبه اذا طالت جلستك هنا
بس هذا كلامه


اخر رد لا اصحابه و العاملين الي معاه مو هما الي يفرضو نفسهم انا اسمعه لمن يكلمهم يقلهم اسحب فلان و اسحب فلان وتعالو

تصدقين حتى بيوم عرفه يسالني اذا صايمه اقله ايوه
يقلي خلاص بكلم عمالي واصحابي يصومو بكره عشان يفطرو عندي؟؟؟؟ اقول بنفسي ولايوم برمضان افطره زين وادعي ولا حتى بيوم عرفه

الله يصلح الحال

يوم عرفه!

اجل زوجك مريض نفسي

يرحم الاخرين ويتفشخر قدامهم على حساب غيره

وخنوعك له دور كبير في ذلك

مااعتقد ان في ضيف يفرض نفسه على المضيف بس الضاهر ان زوج الاخت انتي اجمل كريم جدا ورحيم بعماله وهذه النوعيه من الرجال صارو للاسف قليل
صحيح ان الصغط كله على زوجته بس صدقوني ان طبع الكريم كذا يعطي الناس على حساب نفسه ومن يحب ولو وصل الحد الى العناد راح يتزوج بثانيه وثالثه ويجيب الخدامات ويكرم ضيفه ويفني ماله كله وماعنده اي مشكله وكلامي هذا مابعرفه الى من جربه او مشى معى شخص كريم ( واحذرو غضب الكريم ) وبعدين الضاهر ان الناس راحت من قلوبهم الرحمه والشفقه الضيف اصبح ثقيل وفعل الخير اصبح قليل وين كرم الضيف الي تكلم عنه الرسول ادخلو كتب الحديث وراح تلاقو احاديث طويله عريضه في الكرم ليش قست قلوب الناس لهاالدرجه اصبحنا نحاسب الكريم على كرمه معى المساكين واتغاضينا عن المسرفين لوصاحبت الموضوع جت تشكينا عن اسراف زوجها وانه بينفق ماله على اشياء تافهه اوماحرم الله لانهارت عليها الردود مثل المطر بانه مال زوجها وهو حر فيه ووقفنا ضدها او على الاقل نصحناها بالصبر والدعاء لزوجها ويوجد مواضيع ادخلوها واقرو الردود واحكمو على كلامي

__________________
تمنيت حبـاً يدوم طويـلاً .. فـدام الحب وَ رحل الحبيب.

طيب اخ بلدوزر انا عرضت عليك باكثر من رد بان تستضيفهم عندك كم يوم على ما ارتاح انا وللحين ماشفت منك رد انتظر ردك في هذا السياق وانا والله جاده راح ارسل لك اقل شي 7 عمال بشكل يومي وخل كلمتك كلمت رجال وتكون عندها والاعضاء شاهدين فطرهم بالعشر الاؤاخر منها اجر لك ومنها اجر اني دليتهم لك وارتاح انا واتعبد الله واستغفر واقابل ربي واكمل ختم القران


نقطة ان زوجي كريم؟؟؟؟؟؟؟؟؟؟؟؟
كريم

كريم؟

مافهمت انا الي عايشه معاه واعرفه قدن وتفصيلا
راح اذكر لك اشياء واحكم لي هل هو كريم ام لا


زوجي يسحب العاملين تحت يده للفطور
بس اخوانه ؟ لا
مع العلم ان اخوانه يشتغلون جنب بيتي وهم غير متزوجين وبيت اهلهم بعيد فوق ماتتصور يعني مايوصلو بيتهم الى بعد ساعه وعليها ؟

طيب الله قال الاقربون اولى
زوجي انا اعرفه وحافظته قدااا و تفصيلاااا

على اخوانه يتحاجج معاهم حتى على العشره ريال
اخوه يطلبه فلوس يوصل للبيت عندنا يرفض يعطيه مع انه مبلغ تاااافه جنب المبالغ الي تصرف لعماله

عماله يسفرهم ع حسابه ويروح معاهم يتمشى بعد ولرجعو هنا يقولو له عطنا رواتبنا عبالك اهتمو انه طلعهم ومشاهم؟

رحت مره معاه السوق وشفت خلاط اكل سعره 80 ريال

قلت له اشتريه لامك عمتي لان من جد مسكينه حقها خربان

قال لا تمشيبه حالها

اي كرم تتكلم عنه ؟؟؟؟؟؟؟؟؟؟؟؟


طيب تقول يتزوج ثانيه وثالثه ويجيب لهم خدامات

طيب ورا مايجيب لي انا خدامه؟؟؟




انتظر ردك عندك استعداد تفطر احد في اي بلده انت وانا حرسلهم لك لو انك بالمريخ بس عطني كلمة رجال وانا اعطيك كلمة اكون قدها اجيبهم لحد بابك اي محتاج اي شخص تفطره بشكل يومي بس انا متاكده انك تصرف من راسك ولاتقدر لانك عارف اي وحده ماترضى تستعبدون النساء وكانهم جواري
ترا رمضان مو طبخ ونفخ يوم القيامه لوقفت بين ايدي الرحمان وسالني عن تقصيري تتوقع اني بسامح زوجي؟؟

لا والله مراح اسامحه لان بكذا حتى وقت اطل على ولدي فيه او اغير له او احممه او اككله مافيه صرت اعطيه الرضاعه بدون اي اكل؟؟؟ والله قال القربى ؟؟ ثم اليتامى ثم ابن السبيل جعلهم في الاخير

اتوقع تركيبة مخك مثله

ومن قال لك انه ماله وهو حر فيه يكون ماله في حاله وحده اذا اسقط اسمي من عنده لانه يستعمل اسمي ودايما اقله منت قد مصاريف البيت نزل اسمي اروح لحافز عالاقل اصرف فيه لنفسي و لولدي

لعلمك ولدي جلست فتره ماخذ الى من ملابس ولد اخوي

وانت تقول كريم؟؟؟؟؟

ترا الله ميز بني ادم عن الحيوان في العقل فانا مو غشيمه ان احد ينصحني اصبر على هالكرف والعزايم
وانا عارفه وقالها بلسانه انه مو عشان الاجر لا
شاف واحد وحب يقلده والى اذا يبي الاجر
كانو اهله ساكنين بنفس بيتي قبل لاتزوجه وعماله معاه ماعمره عزمهم عند امه و خواته ؟؟؟ وين الكريم و وين الي يبي الاجر؟



عطني موقعك ويا اعضاء الي يعرف محتاج راح نكلف الاخ بلدوزر واتمنى انه يكسب الاجر انتظرك

يعني تبينه يقول لك على كل شي تم وحاضر
الله يهديك بس
دامه مو لهاالدرجه بخيل في كل شي احمدي ربك عالنعمه
مااشوف فيه شي غريب اكثر الرجال كذا عادي متعودين
لازم يقول لا
مو كل شي طيب وحاضر

الله يسخركم لبعض ويسعدكم امين

الحين قريت التفاصيل بطريقة صرفه
والله انا خفت انةالشيطان مكبرها براسك ومحسسك انه بخيل
الله يعينك
اعرف واحد من قرايبنا نفس اسلوب زوجك والله انه يعطي كل من يعرفهم وعلى اهله بخييييييل جدا حتى امه ماقد مد لها ريال
بريال بالعكس يحاسبها عالقرش لو طلبت منه
مااعرف ليش كذا تفكيره غريب جدا مو فاهمه بجد ليش بعضهم كذا

الله يرحم والديك ويسكنك الجنه انتي ومن تحبين ايوووه هذا الكلام

__________________
تمنيت حبـاً يدوم طويـلاً .. فـدام الحب وَ رحل الحبيب.

اعتذر عن هذا الرد

مهمها كان مازال زوجك

اسف ان كان في ذلك جرح لكي

زوجك مخطيء عدة اخطاء

اسأل الله ان يهديه الى جادة الصواب

يابنت الحلال والله انك بنعمه وخير وعافيه ولاعندك مشاكل مثل بعض الحريم الله لايوريك بس انا حاليا قاعد افكر لوقدر الله عليك بمشكله كبيره ودخل بينكم ابليس كيف راح تتصرفين فيها انتي ماعندك طولت بال انتي متزوحه وحصلت معاكم مشكلتين فقط واحده اعتذر لك زوجك فيها لانه كان غلطان والثانيه حلها بسيط وانتي الي كبرتيها وصدقيني لوانتي من النوع الصبور المتغافل انك ببيت زوجك من ثاني يوم بس انتي قاعده تكبريها الطبيخ الطبيخ الطبيخ وكانك بتطبخين في مطعم هم 7نفر والا10 حبتين دجاج كبسه وشوية مقليات ولترين عصير ورعى الله من تجمل وبعدين الي يسمعك يقول انك تطبخين طول السنه وبالنسبه للعباده الي قاعده تتحججي فيها عندك بعد الطبيخ ليل بكله هي 3ركعات وجزء تقريه بالقران والسلام
وبالنسبه لكلامك تجيبين عمالكم عندي اهلا وسهلا فوق عيني وراسي ومن يتابع كمان وماودي اخرب على نفسي الاجر ولاكن باخلي زوجتي الله يخليها تردعليك للحين وهي بالمطبخ تغسل الصحون ويعلم الله ماببطنها من وقت الفطور غير تمرتين وشوية لبن وفوق هذا كله بتخلص وتروح تكشخ وتجي تقعد جنبي الله يخليها ويكتب لها الاجر ويأجرني معاها ولو بالقليل

__________________
تمنيت حبـاً يدوم طويـلاً .. فـدام الحب وَ رحل الحبيب.