جبت عاملة فلبينيه سبق لها العمل وبعد 12 يوم قالت ابغى اروح كلمنا المكتب وكلموها اللي فهمته انها تطفش انا عارفه الشغل مو كثير وهي تطفش من الجلسة كذا وقبل كم يوم كمان عادت نفس السالفه زوجي يقول خليها تتفرج تلفزيون تتسلى قلت له مستحيييل اخليها تتفرج افلام ومسلسلات اخربها بنفسي جلستها مع بنتي وخليت التلفزيون شغال على الجزيرة الانقليزية كنت بقولها تشغل نت معانا تتسلى تحمل تانقو تكلم اهلها فديو خايفه اندم وبصراحه شفقانه عليها وكمان طالبت بيوم الاجازة تبغى تطلع قلت لها احنا ماعندنا حريم يطلعوا وحدهم لا انا ولا انتي اذا طلعنا نطلعك معنا

ابغى حل بحيث انها ماتلاقي وقت وتحس بطفش ما ابغاها تروح كل مكاتب الاستقدام وقفوا استقدام اخاف تروح وتطول المشكلة بين البلدين

أنا عطيت خدامتي راديو حطته في غرفتها.

وسامحة لها تستخدم النت .. عملت لها حساب في سكاي بي .. وهي عندها حساب في الفيس بوك ... وتكلم أهلها متى ما بغت.

أهم شي ما تستخدم تلفونها وهي تشتغل .. أو برا غرفتها.



لكن ما في شي اسمه تطلع بروحها.

وعلئ فكرة هم يعرفون نظامنا وأسلوبنا في الخليج .. لكن مكاتبهم في بلادهم تقولهم جربوا واطلبوا وشوفوا شو بيقولون ... يمكن يوافقون!

خدامتي السابقة جذي قالت لي.

__________________


اللهم طِيبَ الأثر .. وحُسْنَ الرحيل.

مهرة يعني حتى عندكم الطلعه ممنوعه لاني سمعتها تقوله الوضع مو مثل دبي وابوظبي قلت يمكن عادي العاملة تطلع في اجازتها عندكم

الحل الجوهري
تسفر الشغالة بقرب طائرة لبلدها ويستفاد من راتبها
علي المستوى الاسري لان الفراغ يجعلها
تفكر بمور اجرامية وجنسية ..وانتي تفرغي لبيتك وزوجك
وبنتك.. ربة البيت ماتجيب شغالة الا اذا كان عندها
كومة بزران او مريضة بمرض لاتستطيع معة علي شغل البيت

أختي كانت تسمح لخدامتها تطلع وتروح الكنيسة .. ويمكن البعض يرضى.

لكن الغالب الأعم في محيطي واللي أسمع عنهم مثلي .. وخداماتهم ما يطلعون إلا معاهم .. وبعضهم ما يطلعون خداماتهم من البيت أبداً.


فما دام محكورين ماله داعي نضيق عليهم بزيادة.

__________________


اللهم طِيبَ الأثر .. وحُسْنَ الرحيل.

اشغليها

نظفي البيت تنظيف عميق

طلعي مشاريع من تحت الارض

مشاريع نظافة مشاريع طبخ الخ

خليها تتفرج عالتلفزيون عادي

انا موظفه ومتاجتها ربي يسخرها لنا ان شاءالله

المشكلة بيتي اربع غرف غرفة النوم ماتدخلها الا اذا طلبت منها تنظفها مره او مرتين بالاسبوع يعني التنظيف العميق ينتهي

بتقابل الافلام ماعاد بتشتغل وبتخرب عليه الافلام كلها قصص حب
لو في قنوات انجليزيه هادفه مثلا وثاىقيه ممكن