بذمتك رجال زيه يجمع الفلوس ويروح يتزوج وبنته مايدري عنها ولا صرف تبغيني ارجع له

قال بعد ولادتي بعطيها 500 مصروف مع أن راتبه فوق ال 10 الف يبخل على بنته
والله لو يتقدم لي مطلق وعنده بنت او ولد هاجرهم ولايصرف ولايسال ماوافق عليه
الي خلاه يتخلا ويبيع ضناه بيجي يوم من الأيام يبعيني

الحمد لله أعضاء المنتدى ذا شاهدين

لدرجة بغى عمي يودي البنت له في مدينته عشان يشوف قام صرف عمي بجي انا ولا جاء

الصراحه مصدومه انه تزوج قبل مايشوف بنته مادري وش أقولك بس والله اني حاطه نفسي مكانك عارفه وحاسه بالالم الي فيك هالحين وادري مافي كلمه ممكن تواسيك اذكري الله وبنتك اهم من هذا كله انتي شلون عرفتي بموضوع زواجه الله يصبرك ويهون عليك .

اقتباس:

المشاركة الأصلية كتبت بواسطة ♡فرح♡ الحمد لله أعضاء المنتدى ذا شاهدين لدرجة بغى عمي يودي البنت له في مدينته عشان يشوف قام صرف عمي بجي انا ولا جاء

شاهدين على إيش .
هم ما شافوا شي عشان يشهدون عليه .
صحيح قرأوا كلامك .. بس ما تسمى شهادة ، ثم هو يمكن عنده حجة عليك . والإخوة هنا يتسرعون في الحكم والقضاء

أختي هو يوم طلق كان متوقع انه يتزوج .. أجل تبينه بيجلس عمره كذا .
اطوي صفحة الماضي وفكري بالمستقبل ، ويمكن خيرة لك وأنت ما تدرين ، وسالفة المحاكم لا تطري على بالك مبدئيا لأسباب منها إن السالفة كلها 500 ريال ، وما تستاهل
ومنها حتى ما يتكلم الناس ويقولون معه حق يوم طلق اثرها راعية مشاكل ، وبكذا حتى اللي يجي يتقدم لك ممكن يتردد إذا شاف جرأتك على الشكوى ، الناس ماهي رايقة للمشاكل .
لكن لو أصر وما دفع هنا تنتقلين للخطوة الثانية وهي ترسلين له كبار السن من العائلة والمؤثرين عليه . وإذا أصر ( ولا أعتقد ذلك ) . شهدي عليه وأعطيه مهلة شهر وإذا أصر ، هناك أنت بالخيار إما ترك ظلمه لله وهو المنتقم او المطالبة بالحقوق . والناس بكذا تعذرك وتؤيدك .
هذا رأيي وأنت حرة

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .

الله يعوضك اختي بالزوج اللي بيستاهلك
واطوي صفحة طليقك
وفقط طالبي بحق بنتك من يوم ولادتها للآن لانو حق لها من والدها
اسأل الله ان يعوضك بالافضل ويجعل ايامك القادمة جميلة وسعيدة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اكيد انة بيتزوج شي طبيعي
حتى انتي بيجيك نصيبك اللي يعوضك ياحي ياقيوم

اخوي ولد الشايب لا تقلب الموازين وتغير رأيها بكلام الناس

هذا حق بنتها طليقها مايسأل عن بنته وابسط حقوقها انه يعطيها مصروف لايقل عن 500 بالشهر

اخت فرح زواج طليقك متوقع وخلاص انتهى الموضوع

تفكرين كيف وافقت عليه وهو مايشوف بنته فيه 100 كذبه وتصريفه
وغير كذا ماحد يسأل انت تشوف عيالك من طليقتك ولا ماتشوفهم
يسألون عيالك وين عند طليقتي وانتهى

اطوي هالصفحة ولا تقعدين تدورين على نفس النقطة

رتبي حياتك وايش بتسوين

طالبي بحقوق بنتك واللي ينقدون عليك سدي فمهم بحجر من انولدت ماشافها

توظفي وعزي نفسك وبنتك

اذا جا نصيبك تزوجي

الله يرزقك الزوج الصالح اللي ينسيك هالرجل وطوايفه

اله يعوضك ويعوض بنتك خيررر يارب
اذا عندك مال لو بسيط يكفيك انتي وبنتك اصرفي عليها وهو خلي حسابه على الله
نصيحة ابعدي عن المحاكم قد ماتقدرين الا اذا كانت هي الباب الوحيد
بري بنتك هي الي راح تبقى لك
انا طلقت وبنتي عمرها 9شهور فجعني بطلاق وكان غدر نزلني عند اهلي قبل العيد بيومين وكنت انتظره يعايدني وماعيدني ورسلت له مسج معايده بعدها قال بيطلق
لانه ماقدر يعدل بينا
لان سنة كنت ساكته وبعد سنة طالبت بحقي ويوم طالبت طلقني
المهم
راتبه فوق 20الف وماعنده التزامات كثير
يرسل على بنته 500ريال وهو عارف انها ماتكفي
بالبداية بنتي كانت ترضع صناعي وبعدين بسم الله عليها كبرت
وبدخلها الان الروضة وهو مزاد ال500
وعنده عيال وعارف مصاريفهم
عياله كل نهاية اسبوع يصرفون ال 500بالملاهي مع الاكل
ومر عيد وماارسل شي
وفوق كدا ماطالبت ولا اهلي طالبو بشي
ولا ن بنته ماتعرفه زاره مرتين مرة وعمره 9شهور ومرة عمرها سنه ونص
ولان بتكمل اربع سنين
مررة اضطريت ارسل له مسج لان بنتي منومة بالمستشفى ابي اثبات له ورسل لي صورة من الاثبات والله مقال لي ايش فيها او سلامتها او سال اهلي عنها بعد كذا
وهو بنته لمن مرضت وتنومت بالمستشفى كان طول اليوم عندها وعند امها وكان هذا من وقتي وماتكلمت وصبرت
فوق كذا كافأني بطلاق

لكن فوضت امري لله فيه
الحمدالله انا موظفة مو مقصرة على بنتي بشي
انتي حاولي تكملين دراستك وتبحثين لك عن وظيفة
الله يفرج همي وهمك يارب وهم كل مهموم

حقك تبغي تسامحيه براحتك بس حق بنتك لا
طالبي فيه بالين وان مانفع بالقوة
بعض الناس تحترم الي قدامها اذا شافت الحزم والشده


الله يعوضك خير ويرزقك من حيث لاتحتسبي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.