اللي انت تعانيه حاليا زوجتك عانت منه طول سنين زواجكم ويمكن أعظم
مصارحتها لك أكبر دليل لأنها ماعاد تتحمل تخفي هالسر أكثر
ماكان يضرها تخفي عنك الموضوع وتكمل حياتها بشكل عادي بما أن الأمور مشت من أول الزواج
مصارحتها لك ماجت الا من بعد تفكير 6 سنين لانها صادقه ونظيفه وماتبي تخدعك
وماسوت هالشي الا من بعد ماحست معك بالأمان وانك راح تحميها وتداري عليها
لو قلت لأهلها بيخيب ظنها فيك وبتكرهك ألف مره لان عدوها اللي اغتصبها مافضحها زيك
اصلا وش بتستفيد؟!! تتوقع الولد بيعترف؟ اهل الولد بيسكتون؟ اخوان البنت ماراح يضربونه او يذبحونه؟ ممكن يقول تتبلى علي وين الدليل والاثبات وليش ماتكلمت اول الاغتصاب جايه تتكلم بعد ماصارت ام مرتين
تتوقع الموضوع ماراح يكبر وتدخل فيه الشرطه وممكن محاكم والجيران واهل الحي والمعارف والاقارب ماراح يدرون؟!!

زوجتك عانت من هم عظيم هم الاغتصاب وهم الفضيحه والعار تجرعت الالم كان المفروض تاخذها على صدرك وتهديها وتطمنها وتقولها اللي راح راح انتي مالك ذنب وماعاد في شي تخافين منه انتي بأمانتي
ولازم تنتبه لزوجتك سواها مره مو عاجز يسويها مره ثانيه ويمكن ماصارحتك الا لانها تبيك تحميها منه

الموضوع مر عليه سنين انت لك الحاضر والمستقبل هي تحت عينك وفي بيتك
ولا شفت عليها شي طول فترة زواجكم لاتظلم نفسك وتظلمها معك

والله ييسر اموركم