سبحان الله بعض الناس يدورون على المشاكل بالمنقاش!
هي بعد وش هالسؤال الغبي؟!
خيانته لها مالها دخل بكونه يحبها أو لأ
وهو جوابه أغبى من سؤالها

الصراحة مطلوبة من الطرفين لكن بأسلوب طيب
لكن الرجال معروفين خشنين وجافين اللي يقوله لصديقه يمكن أنا ماأتقبله كوني أنثى
ياريت الرجال يفرقون بالتعامل الطريقة اللي توصل فيها المعلومة لصديقك مو زي اللي توصلها لزوجتك
واحنا بعد وش له هالأسئلة اللي مالها داعي .. تحبني؟ وش رايك فيني؟ وش كان شعورك اول ماشفتني؟ ممكن بيوم تتزوج علي ولاتخوني؟ لما شفت فلانة بالغلط وش حسيت فيه؟ .. وأسئلة كثييير تفتح أبواب على المشاكل

الواحد يكبر عقله ويرتاح ويغض الطرف عن بعض الأمور ويكظم الغيض ولا يسئل أسئلة مايقدر يتحمل إجابتها والحياة تمشي ماله داعي التدقيق وكثرة الأسئلة

ولازم الزوجه أو الزوج يدرس شخصية شريك حياتة ويحاول يصارحه بطريقة ماتجرح ينتقي كلماته ويختار الوقت المناسب والمكان المناسب ولازم يكونون لحالهم حتى نبرة الصوت بتأثر بقبول الطرف الثاني للصراحة أو لأ