ملكة حبيبتي ليه؟

ليه؟

الطريقة المتهورة اللي واجهتيه فيها تشبه اللي قبلها واللي قبلها!

ماينفع نعيد التجارب بنفس الطريقة ونتوقع نتائج مختلفة..

ادري انك منفعلة وادري ان الله لحاله هو العالم باللي فيك.. بس هذي مو اول مرة عشان نقول تتصرفين بتهور..

لاحظي حتى زوجك تعود وعادي كذبك وشاف طريقة يخبي عليك فيها مثل ماخبى عليك الفترة اللي قبل هذي وانتي ماتدرين

وبكللل بساطة كمل حياته عادي..

سؤالي اللي سألتك إياه سألته وأنا عارفة وانتي بقرارة نفسك كنتي عارفة ان الموقف بينعاد..

لذلك بسألك إياه مرة ثانية..

ملكة.. تخيلي هالموقف انعاد مثل ما انعاد قبل بعد 10 سنوات وبينها مرات متكررة ومعك 4 عيال وانتي مريضة ضغط وسكر من التفكير؟ كيف تتخيلين حياتك؟ بتكونين راضية عنها؟

قرار استمرارك او عقابك او كل شي ممكن تسوينه لازم يكون لما تستوعبين شي واحد

ان زوجك مرييييض.. ايوا مريض..

كله نتائج تراكمات طفولته.. اقرئي عن المرضى بتعدد العلاقات..

فلانة هذي اللي يكلمها ماتهمه صدقيني.. مجرد رقم..

بس في فراغ عنده بيعبيه باي علاقة..

لذلك ابعدي عن فكرة انك تطفشين اللي يكلمهم.. لان للاسف مشكلتك معاه مو معاهم..

ممكن تهاوشين وتشرشحين ويصرفك ويكلمهم من وراك ويعتذر بدالك بعد ويراضيهم.. هذا الواقع

اذا استوعبتي كويس انه مريض.. اتخذي قرارك..

قلبي داعي لك 💜

__________________

اختلافي عنك لا يعني اختلافي معك