الرد على المشاركه (9)

* ما هي عصبيتك ؟
للامانه ما عرفت جوابها - بس اعتقد نفس جواب "كيف اعبر عن عصبيتي"

*ايش الي يعصبك ؟
يعصبني اي تصرف تعمله انا ما حبه

*كيف اعبر عن عصبيتي ؟
اتنرفز - يعلى صوتي - ما اكلمها كم ساعه

*اثرها على الزوجه والاولاد؟
لسه ماعندي عيال منها - بس اثرها عليها اكيد تزعل وتصد من ناحيتها لغاية ما نفتح الموضوع مره ثانيه وكل واحد يطلع الي عنه وبعدها نتصافى..

*غيرتك من مين وعلى مين ؟
غيرتي من اي حد تعطيه انتباهها اثر مني بوجودي - غيرتي عليها طبعا..
ملاحظ اني اغير عليها او ازعل و"لله مدري ايش اسميه" لمن تتكلم مع بناتي وتتركني انا لحالي.. او لمن تجلس مع خواتي وحريم اخواني وسوالف وانبساط..
بس مع اخواتها احس عادي ما احس اني مو منتبهه لي او مع صديقاتها احس الوضع طبيعي ماتثير غيرتي.. بس مع اهلي احس بغيره او زعل او مدري ايش اسميه..

* كيف تعبر عن غيرتك ؟
اطلع من البيت ولسان حالي يقول "اشبعي فيهم" وانا عارف انها تتضايق لمن اخرج برا البيت

* ليش بتغير عليها اساسا ؟
لاني احبها - يمكن حب تملك زي مايقولوا!!!

* الالتصاق اقصد فيه : انو بما انو انا بيتوتي فابغاها دايم تكون قدامي - وهي نفس الشي ماتبغاني اروح لاخواني او اخواتي او والدي ووالدتي .. وايضا اخوانها ماتبغاني اختلط بهم

* هل ززوجاتك كلهم من نفس عمرك وجمسيتك ؟
اول ثلاثه نفس عمري - الاخيره اصغر مني ب15 سنه وعمري 39

* بصراحه اريد الاستقرار مع الزوجه رقم 2 .. ونعم مستبعد اني اعيش مع الثلاثه

* حالتي الماديه الحمدلله زينه